Vydańnie paćvierdziła sapraŭdnaść rolikaŭ, na jakich «bolšaść zahinułych, padobna, byli zastrelenyja ź blizkaj adlehłaści». Pry hetym žurnalisty adznačajuć, što adzin z rasijskich vajskoŭcaŭ u pałon nie zdavaŭsia i adkryŭ ahoń, taksama niemahčyma vyznačyć padziei, jakija adbylisia za kadram paśla hetaha.
Žurnalisty paćvierdzili, što padziei adbylisia ŭ siale Makiejeŭka ŭ Łuhanskaj vobłaści. Miedycynski śpiecyjalist Ronin Chaar zajaviła vydańniu, što sałdaty RF lažali biez zbroi, z vyciahnutymi rukami ci za hałavoj. «Jany ličacca vyviedzienymi sa stroju abo niekambatantami — faktyčna vajennapałonnymi», — zajaviła śpiecyjalist, jakaja ličyć toje, što adbyłosia, parušeńniem adrazu niekalkich kanviencyj.
A voś vajenny ekśpiert Iva Vukusič śćviardžaje, što sałdat USU možna apraŭdać, tamu što nielha vyznačyć, kali byli zabityja sałdaty RF (u pierastrełcy ci ŭžo paśla). Jon taksama adznačaje, što Ženieŭskaja kanviencyja zabaraniaje imitavać kapitulacyju dla napadu na praciŭnika, kali kaža pra vajennaha, jaki vyjšaŭ z doma sa zbrojaj. Hetaj ža pazicyi prytrymlivajucca ŭłady Ukrainy.
