«Bolš, čym list z Chohvartsa, barmeny čakajuć tolki e-mail pra toje, što tvoj prajekt naminavany ŭ samy prestyžny mižnarodny rejtynh baraŭ WORLD'S 50 BEST BARS. I my jaho dačakalisia!», — padzialilisia pradstaŭniki bara ŭ svaich sacsietkach.
Sutnaść rejtynha — u tym, što ekśpierty štohod inkohnita naviedvajuć sotni ustanoŭ pa ŭsim śviecie i pravodziać pa vynikach hetych vizitaŭ svojeasablivaje «hałasavańnie». Siarod znaŭcaŭ — kiraŭniki infarmacyjnych partałaŭ i ŚMI, bartendary, ambasadary ałkaholnych kampanij i hetak dalej. U kastryčniku bały ekśpiertaŭ składajucca, i pa ich sumie farmirujecca rejtynh z najlepšych baraŭ śvietu.
Praŭda, minski Gin&It trapiŭ krychu ŭ inšy śpis. Heta tak zvany «suciašalny rejtynh» dla tych, chto nabraŭ šmat bałaŭ, ale nie ŭvajšoŭ u asnoŭny top-100. Tym nie mienš biełarusy radyja i hetamu.
«Asabista dla nas heta ŭśviedamleńnie, što my znachodzimsia na svaim miescy. Heta značyć, što być haścinnym i šmat bałbatać — naša paklikańnie. Heta značyć, što ščyraść va ŭśmiešcy zaŭsiody adčuvajecca intuityŭna», — napisali pradstaŭniki minskaj ustanovy.
Bar Gin&It znachodzicca na praśpiekcie Niezaležnaści, raniej tam byŭ inšy bar — Kew London.
