Zasakrečany siomy punkt ukaza ab mabilizacyi dazvalaje Minabarony pryzvać adzin miljon čałaviek. Pra heta «Novaj haziecie. Jeŭropa» paviedamiła krynica ŭ administracyi prezidenta.
Napiaredadni na sajcie partała pravavoj infarmacyi apublikavali skan ukaza Uładzimira Pucina ab uviadzieńni ŭ Rasii «častkovaj mabilizacyi». Siomy punkt dakumienta paznačany nadpisam «dla słužbovaha karystańnia». Paźniej, adkazvajučy na pytańni žurnalistaŭ, pres-sakratar prezidenta Dźmitryj Piaskoŭ zajaviŭ, što ŭ zasakrečanym punkcie idzie havorka pra kolkaść reziervistaŭ, jakich mohuć pryzvać na vajskovuju słužbu.
«Adzinaje, što ja mahu skazać, što Siarhiej Kažuhietavič Šajhu ŭ svaim intervju skazaŭ: 300 tysiač čałaviek. Voś tam idzie havorka pra kolkaść da 300 tysiač čałaviek», — udakładniŭ Piaskoŭ.
