Fota: AP
Napiaredadni na sajcie Kramla zjaviłasia rasšyfroŭka razmovy prezidenta Rasii Uładzimira Pucina i kiraŭnika Fiederalnaha ahienctva ŭ spravach nacyjanalnaściaŭ Ihara Barynava. Pucin padtrymaŭ ideju stvareńnia centraŭ dla adaptacyi mihrantaŭ.
Padčas sustrečy Barynaŭ zajaviŭ, što rasijskaja ekanomika maje patrebu ŭ prytoku zamiežnaj pracoŭnaj siły, adnak adznačyŭ, što vialikaja kolkaść mihrantaŭ moža pryvieści da źmieny «etnakulturnaha łandšaftu», što pavysić ryzyku «farmavańnia ankłavaŭ i rostu etničnaj złačynnaści».
Dla vyrašeńnia hetych prablem kiraŭnik FASN prapanavaŭ stvaryć u Rasii «adaptacyjnyja centry», dzie mihranty mahli b daviedacca pra miascovyja tradycyi, zvyčai, kulturu, a taksama atrymać pravavuju i psichałahičnuju padtrymku.
Pucin hetuju ideju padtrymaŭ i dadaŭ, što padobnuju pracu treba pačynać jašče «na radzimie patencyjnych mihrantaŭ».
«Tam nichto nie suprać, nichto nie piarečyć. Naadvarot, va Uźbiekistanie, Tadžykistanie, u Kyrhyzstanie — kali łaska, usie jany z zadavalnieńniem heta robiać. Nam treba tolki bolš aktyŭna tam siabie pavodzić, jany navat u hetym zacikaŭlenyja. Jany vydatna addajuć sabie spravazdaču ŭ tym, što ludzi, kali źjazdžajuć z radzimy i pryjazdžajuć da nas, pavinny być adaptavanyja, pavinny viedać našu kulturu, movu, viedać rasijskaje zakanadaŭstva», — zajaviŭ Pucin.
