U mai 2022 hoda zbor infarmacyi achapiŭ 2,47 młn rabotnikaŭ. U adnosnym vyražeńni heta kala 58,7% zaniataha nasielnictva za toj ža miesiac (pa Biełstacie). Va ŭsich vypadkach pryvodzicca naličanaja zarpłata, heta značyć, zarpłata da vyliku padachodnaha padatku, uznosu rabotnika ŭ FSAN (1%), prafsajuznych uznosaŭ, alimientaŭ, štrafaŭ i h.d.
Inšymi słovami, 1000 rubloŭ zarpłaty na ruki prykładna adpaviadajuć 1140-1160 BYN naličanaj. Takim čynam, u mai 2022 hoda ŭdzielnaja vaha rabotnikaŭ z zarobkam da 1000 BYN pa Biełarusi skłała 38,7%. Kali brać nie naličanyja zarobki, a atrymanyja «čystymi» na ruki, to dola rabotnikaŭ z zarobkam, nižejšym za 1000 BYN, pieravysić 45%.
Što da Minska, to dola rabotnikaŭ z naličanym zarobkam da 1000 BYN skłała 23,4%. Pry hetym u Zavodskim rajonie stalicy naličyli 26,9% rabotnikaŭ z zarobkam da 1000 BYN, u Leninskim — 24,0%, u Maskoŭskim — 23,4%, u Kastryčnickim — 20,4%, u Partyzanskim — 19,0%, u Pieršamajskim — 22,1%, u Savieckim — 27,5%, u Frunzienskim — 29,3%, u Centralnym — 21,9%.
U Bresckaj vobłaści dola rabotnikaŭ z naličanym zarobkam, mienšym za 1000 BYN, skłała 43,3%. U samim Breście ŭdzielnaja vaha hetaj katehoryi zaniatych dasiahnuła 33,1%, u Baranavičach — 44,2%, u Pinsku — 45,2%, u Bresckim rajonie — 42,9%, u Baranavickim rajonie — 48,8%, u Pinskim rajonie — 54,0%, u Hancavickim rajonie — 57,2% (maksimum pa vobłaści).
U Viciebskaj vobłaści dola rabotnikaŭ z naličanym zarobkam da 1000 BYN skłała 46,6%. Pa Viciebsku ŭdzielnaja vaha hetaj katehoryi dasiahnuła 42,6%, pa Navapołacku — 33,7% (minimum), pa Viciebskim rajonie — 44,6%, pa Lepielskim rajonie — 54,7%, pa Aršanskim rajonie — 46,4%, pa Połackim rajonie — 41,8%, pa Šarkoŭščynskim rajonie — 67,8% (maksimum).
U Homielskaj vobłaści dola rabotnikaŭ z naličanym zarobkam, nižejšym za 1000 BYN, skłała 44,6%. Pa Homieli ŭdzielnaja vaha hetaj katehoryi dasiahnuła 40,7%, pa Homielskim rajonie — 53,9%, pa Žłobinskim rajonie — 38,0%, pa Karmianskim rajonie — 66,2% (maksimum), pa Mazyrskim rajonie — 41,9%, pa Rečyckim rajonie — 37,6%, pa Śvietłahorskim rajonie— 35,5% (minimum).
U Hrodzienskaj vobłaści dola rabotnikaŭ z naličanym zarobkam, mienšym za 1000 BYN, skłała 43,3%. Pa Hrodnie ŭdzielnaja vaha hetaj katehoryi dasiahnuła 36,0% (minimum), pa Vaŭkavyskim rajonie — 41,8%, pa Voraranaŭskim rajonie — 57,3% (maksimum), pa Hrodzienskim rajonie — 38,5%, pa Lidskim rajonie — 47,2%, pa Astravieckim rajonie — 39,1%, pa Słonimskim rajonie — 49,8%.
U Minskaj vobłaści dola rabotnikaŭ z naličanym zarobkam da 1000 BYN skłała 36,2%. Pa Žodzinie ŭdzielnaja vaha hetaj katehoryi dasiahnuła 27,6%, pa Barysaŭskim rajonie — 40,5%, pa Minskim rajonie — 23,3% (minimum), pa Maładziečanskim rajonie — 43,0%, pa Miadzielskim rajonie — 49,4% (maksimum), pa Słuckim rajonie — 44,3%, pa Salihorskim rajonie — 31,9%.
U Mahiloŭskaj vobłaści dola rabotnikaŭ z naličanym zarobkam, nižejšym za 1000 BYN, skłała 46,6%. Pa Mahilovie ŭdzielnaja vaha hetaj katehoryi dasiahnuła 39,3%, u Babrujsku — 46,3%, pa Kaściukovickim — 47,5%, pa Kryčaŭskim rajonie — 49,8%, pa Mahiloŭskim rajonie — 39,1% (minimum), pa Mścisłaŭskim rajonie — 66,5% (maksimum), pa Asipovickim rajonie — 43,6%, pa Škłoŭskim rajonie — 42,1%.
