U MUS adznačajuć, što Polšča ŭžo skončyła budavać płot na miažy ź Biełaruśsiu, na litoŭska-biełaruskaj miažy aharodžu taksama ŭžo ŭzvodziać. Budaŭnictva ž padobnaha abjekta na biełaruska-łatvijskaj miažy choć i płanujecca, ale jašče navat nie pačynałasia. Tamu łatyšy turbujucca, što mienavita ciapier kolkaść sprob nielehalnaha pierasiačeńnia miažy moža ŭzraści mienavita na ich učastku.
Ciapierašni režym nadzvyčajnaha stanovišča pavinien byŭ skončycca 10 žniŭnia 2022 hoda, ale ŭ MUS Łatvii ličać, što situacyja ŭsio jašče nie pad kantrolem. Pamiežniki pa-raniejšamu vyjaŭlajuć vypadki nielehalnaha pierasiačeńnia miažy, choć ciapier havorka idzie pra adzinkavyja vypadki. U mai łatvijskija pamiežniki zatrymali 20 čałaviek, jakija sprabavali trapić u ES u abychod pravił, u červieni — 96 čałaviek, u lipieni — 5 čałaviek.
Upieršyniu nadzvyčajnaje stanovišča ŭ niekatorych prymiežnych rehijonach urad Łatvii abviaściŭ jašče 11 žniŭnia 2021 hoda. Z toj pary jaho niekalki razoŭ praciahvali.
