The Monarch Tractor
Fiermiery ŭ Kalifornii pierasadžvajucca na bieśpiłotnyja traktary, što dazvalaje im kampiensavać vydatki i straty, vyklikanyja ŭzmacnieńniem zasuchi, inflacyjaj i niedachopam pracoŭnaj siły, paviedamlaje TJournal.
Zamiest kiroŭcy ŭ takoha traktara jość dystancyjny apieratar, jaki adsočvaje i atrymlivaje papiaredžańni ŭ režymie realnaha času. Transpartny srodak abstalavany poŭnym naboram kamier i datčykaŭ, dziakujučy čamu možna ŭ momancie dakładna vyznačać, ź jakoj mienavita sielhaskulturaj pryłada pracuje, a taksama źbirać źviestki ab stanie ŭradžaju i hleby.
Traktar taksama abstalavany datčykami dla vyjaŭleńnia žyvioły, ŭradžaju i rabočych: mašyna budzie spyniacca da taho času, pakul na jaje šlachu nie źniknuć pieraškody.
Pa słovach vytvorcy sielskahaspadarčych bieśpiłotnikaŭ Monarch Tractor, vykarystańnie jaje traktaroŭ źnižaje ahulny košt vytvorčaści, što ekanomić hrošy ŭ tym liku kančatkovym pakupnikam u supiermarkietach. U sumie atrymlivajecca vielmi ŭražlivaja ličba: kali kožnamu fiermieru pierachod na bieśpiłotniki zekanomić dziasiatki tysiač dalaraŭ, to ŭ sumie havorka idzie ŭžo pra miljony. I patencyjał u hetaj technałohii vialiki, bo tolki ŭ Kalifornii naličvajecca amal 70 tysiač fierm.
niet. łučše - 2
a ješčo łučše - 3
a ješčo łučše . . .