Pavodle jaho słoŭ, ciažkaści zachoŭvajucca ŭ pytańni adnahałosnaha ŭchvaleńnia prapanavanaha naftavaha embarha. «Ja nie mahu vam skazać dakładna, zojmie heta tydzień ci dva», — adkazaŭ kiraŭnik jeŭrapiejskaj dypłamatyi na pytańnie ab terminach.
Ministr zamiežnych spraŭ Aŭstryi Alaksandr Šalenbierh skazaŭ pierad hetym, što Jeŭrapiejski Sajuz moža ŭzhadnić Šosty raŭnd sankcyj suprać Rasiei ŭ najbližejšyja dni.
Ale nasamreč Jeŭrasajuzu spatrebicca bolš času dla ŭzhadnieńnia šostaha pakieta sankcyj suprać Maskvy, skazaŭ u paniadziełak ministr zamiežnych spraŭ Luksiemburha Žan Asielborn, dadaŭšy, što ŭ vyniku novy kompleks zachadaŭ budzie pryniaty.
«U sapraŭdnaści niama nijakich apraŭdańniaŭ dla taho, kab nie pryniać novy pakiet sankcyj», — skazaŭ Asielborn žurnalistam u Brusieli.
Prablemy z uviadzieńniem sankcyj uźnikajuć tamu, što suprać naftavaha embarha rezka vystupaje Vienhryja, jakaja patrabuje za svaju zhodu ŭsio bolš i hrošaj, i času.
Uhavaryć premjera Vienhryi Viktara Orbana brusielskaj Jeŭrakamisii nie atrymałasia, pryjšłosia padymać uzrovień. Kiraŭniki MZS taksama nie damovilisia, ale zaraz jość šaniec u pasłoŭ krain ES.
Kali ž nie damoviacca ambasadary, to Orbana asabista buduć pierakonvać užo kiraŭniki dziaržaŭ ES na samicie 30—31 traŭnia.
