7 lutaha 2004 hoda ŭ Homieli mužčyna nakinuŭsia na žančynu, pahražaŭ i prymusiŭ całkam raspranucca. Tady žančynie ŭdałosia źbiehčy. Vyśvietlić asobu padazravanaha ŭdałosia tolki ciapier, praz 16 hadoŭ, paviedamili va UUS. Im akazaŭsia 41-hadovy rabočy adnaho z homielskich zavodaŭ. Mužčyna raspavioŭ, što ŭ toj viečar byŭ mocna pjany, i pryznaŭsia, što sapraŭdy sprabavaŭ u 2004 hodzie zhvałcić žančynu.
U toj viečar žančyna viartałasia dadomu. Prachodziačy mima kaskada azior, na jaje nakinuŭsia mužčyna, zacisnuŭ rot, paciahnuŭ da vady i prymusiŭ całkam raspranucca. Ubačyŭšy, što mužčyna pačaŭ zdymać džynsy, žančyna znajšła momant i pabiehła ŭ bok doma, kinuŭšy svaju vopratku.
Na nastupny dzień jana źviarnułasia ŭ milicyju. Jaje rečy znajšli mienavita tam, dzie jana pakazała, adnak vyjści na śled niaŭdałaha hvałtaŭnika tady tak i nie ŭdałosia.
Ciapier jon źmieščany ŭ IČU. Kryminalnaja sprava adnoŭlenaja.
