Illa Pietunoŭ sprava ŭ akularach, harodniaspring.org
16 vieraśnia 2020 hoda prakuror Smarhonskaha rajona Andrej Kłyševič abvieściŭ Illu Pietunovu papiaredžańnie za nibyta nienaležnaje vychavańnie svajho niepaŭnahadovaha syna, jaki byŭ ź im na «niesankcyjanavanym masavym mierapryjemstvie».
Prakuror ličyć, što naviedvańnie niesankcyjanavanych masavych mierapryjemstvaŭ jak byccam by stavić pad pahrozu žyćcio dziciaci, piša harodniaspring.org.
Pa źviestkach, jakija maje prakuror, na takich mierapryjemstvach «brydkasłoviać i ahučvajuć łozunhi», što stavić pad pahrozu biaśpieku dziciaci.
Illa Pietunoŭ abskardziŭ papiaredžańnie ŭ abłasnuju prakuraturu. Namieśnik prakurora vobłaści Andrej Skurat skarhu nie zadavoliŭ. Pry hetym ŭ adkazie ŭvohule nie staŭ asprečvać ci paćviardžać brydkasłoŭje na masavych mierapryjemstvach albo pryvodzić prykłady škodnych dla zdaroŭja dziciaci łozunhaŭ. Illa Pietunoŭ u svajoj skarzie spasyłaŭsia na častku 3 artykuła 67 Kodeksa ab šlubie i siamji, u jakoj pryvodziacca krytery znachodžańnia dziciaci ŭ sacyjalna niebiaśpiečnym stanoviščy (tam pryviedzienych Kłyševičam kryteraŭ niama). A namieśnik prakurora vobłaści ŭ adkazie spasłaŭsia na č. 1 hetaha ž artykuła, dzie pryvodziacca ahulnyja patrabavańni da vychavańnia.
Tamu Illa Pietunoŭ źviarnuŭsia ŭ sud sa skarhaj na niepravamiernyja dziejańni prakurora rajona Andreja Kłyševiča.
