Incydent adbyŭsia 26 listapada, kala čaćviortaj hadzinie nočy.
U milicyju patelefanavaŭ taksist i paviedamiŭ, što kala doma №8 na Malinina nieznajomy, pahražajučy nažom, zabraŭ u jaho mabilny telefon i pačak cyharet, paviedamlaje pres-słužba MUS.
Da miesca vyjechała hrupa zatrymańnia Departamienta achovy, a paciarpieły pajechaŭ za kryŭdzicielem. Milicyjanty i paciarpieły sustrelisia na vulicy Krupskaj kala kruhłasutačnaj kramy, kudy zajšoŭ złamyśnik.
Na vychadzie mužčynu spynili. U adkaz jon udaryŭ milicyjaniera nažom i pasprabavaŭ źbiehčy. Na nieadnarazovyja patrabavańni kinuć nož napadnik nie reahavaŭ i pahražaŭ raspravaj. U vyniku paśla nieadnarazovych papiaredžańniaŭ milicyjant streliŭ z aŭtamata ŭ pavietra, a zatym i ŭ nahu napadnika.
Napiaredadni padazravany paškodziŭ aŭtamabil u Leninskim rajonie, za što raspačali kryminalnuju spravu za chulihanstva. U 2018 hodzie jon byŭ asudžany za pryčynieńnie nažavoha ranieńnia rabotniku DAI.
