Ranicaj 23 sakavika na aŭtadarozie M10 Kobryn — Homiel — miaža Rasii aŭtamabil «Folksvahien» sutyknuŭsia z aŭtamabilem «Reno» i źjechaŭ, paviedamlaje MUS.
Na miesca zdareńnia vybyŭ ekipaž DAI. Nieŭzabavie inśpiektary zaŭvažyli aŭtamabil i zapatrabavali spynicca. Kiroŭca praihnaravaŭ ich patrabavańnie, pačaŭsia pieraśled.
Adnak u lasnym masivie Biarozaŭskaha rajona kiroŭca zrazumieŭ, što ad pahoni jamu nie ŭciačy, tamu spyniŭsia.
Jak vyśvietliłasia potym, kiroŭca i pasažyr, jakija znachodzilisia ŭ sałonie (34-hadovyja žychary Biełaaziorska), byli pjanyja: 1,5 i 1,8 pramile ałkaholu ŭ parach vydychanaha pavietra. Akramia taho, abodva nikoli nie mieli prava kiravańnia. Na momant ździajśnieńnia DTZ za rulom znachodziŭsia pasažyr aŭtamabila, a paśla avaryi pjanyja «biaspraŭniki» pamianialisia miescami.
Na ich skłali administracyjnyja pratakoły, u tym liku — za kiravańnie transpartnym srodkam u stanie apjanieńnia.