Раніцай 23 сакавіка на аўтадарозе М10 Кобрын — Гомель — мяжа Расіі аўтамабіль «Фольксваген» сутыкнуўся з аўтамабілем «Рэно» і з'ехаў, паведамляе МУС.
На месца здарэння выбыў экіпаж ДАІ. Неўзабаве інспектары заўважылі аўтамабіль і запатрабавалі спыніцца. Кіроўца праігнараваў іх патрабаванне, пачаўся пераслед.
Аднак у лясным масіве Бярозаўскага раёна кіроўца зразумеў, што ад пагоні яму не ўцячы, таму спыніўся.
Як высветлілася потым, кіроўца і пасажыр, якія знаходзіліся ў салоне (34-гадовыя жыхары Белаазёрска), былі п'яныя: 1,5 і 1,8 праміле алкаголю ў парах выдыханага паветра. Акрамя таго, абодва ніколі не мелі права кіравання. На момант здзяйснення ДТЗ за рулём знаходзіўся пасажыр аўтамабіля, а пасля аварыі п'яныя «бяспраўнікі» памяняліся месцамі.
На іх склалі адміністрацыйныя пратаколы, у тым ліку — за кіраванне транспартным сродкам у стане ап'янення.