Biełaruś pačynaje impart narviežskaj nafty, paviedamlaje ahienctva Reuters.
Biełaruś kupiła partyju narviežskaj nafty Johan Sverdrup. Jaje skład blizki da składu rasijskaj Urals, da pierapracoŭki jakoj prystasavanyja biełaruskija naftapierapracoŭčyja zavody.
Tankier Breiviken z 80 000 ton syraviny maje prybyć u litoŭski port Kłajpieda 22 studzienia. Dalej nafta budzie dastaŭlena čyhunkaj na Navapołacki NPZ.
Pradaŭcom pieršaj partyi moh vystupić francuzski Total, miarkujuć krynicy Rojterz.
Rasija spyniła pastaŭki nafty z 1 studzienia, paśla taho jak kampanii Biełarusi i Rasii nie zmahli syścisia ŭ canie. Adnak pierad hetym Rasija abumoviła zachavańnie nizkich koštaŭ na naftu i haz pahłybleńniem intehracyi, što vyklikała ŭ Biełarusi tryvohu i pratesty.
