Tut.by
Struktura biełaruskaha miljaniera Mikałaja Varabja ŭ śniežni 2019 hoda atrymała kvoty na pastaŭku bolš za 600 tysiač ton rasijskaha vuhalu va Ukrainu, piša RBK.
Havorka idzie ab kampanii NT Marine, zarehistravanaj u Estonii. Jak vynikaje ź miascovaha rejestra, jaje ŭładalnikam źjaŭlajecca Alaksiej Čulec. Adnak, pa dadzienych krynic RBK, kampanija zajmajecca pieravozkaj nafty i vuhalu na Ukrainu i ŭvachodzić u śfieru intaresaŭ biełaruskaha miljaniera Mikałaja Varabja.
Infarmacyju pra suviaź NT Marine i Varabja paćvierdziŭ kiraŭnik ukrainskaha Niezaležnaha sajuza harniakoŭ i deputat Viarchoŭnaj rady ad partyi «Baćkaŭščyna» Michaił Vałyniec. Pavodle jaho źviestak, NT Marine budzie zarablać pa schiemie «košt tony vuhalu na stancyi spažyŭca plus 10 dalaraŭ». Jon taksama dadaŭ, što biełarus padtrymlivaje adnosiny z ukrainskim palitykam Viktaram Miedviedčukom, jakoha nazyvajuć kumam rasijskaha prezidenta Uładzimira Pucina. Pa inšaj infarmacyi, pastaŭščykom rasijskaha vuhalu na Ukrainu stała nie NT Marine, a «Interservis» - jašče adna kampanija Varabja, jakaja źjaŭlajecca najbujniejšym pryvatnym naftatrejdaram Biełarusi.
Pavodle śpisu kvot u listapadzie i śniežni, Rasija pastaŭlaje na Ukrainu 1,2—1,3 miljona ton vuhalu i koksu štomiesiac. Kali rasijski vuhal praciahnie pastaŭlacca ŭ takim abjomie na praciahu hoda i pa biahučaj canie, jakaja składaje kala 85—100 dołaraŭ za tonu, vyručka kampanii ad prodažu moža dasiahnuć 50 miljonaŭ dalaraŭ, skazaŭ kiraŭnik hrupy acenki ryzyk ŭstojlivaha raźvićcia AKRA Maksim Chudałaŭ.
Pavodle śpisu kvot na listapad, u jakim kampanija Varabja jašče nie fihuravała, jany byli raźmierkavany nievialikimi abjomami pamiž rasijskimi vytvorcami. U ich lik uvachodzili «Kuzbasrazrezvuhal» Andreja Bokarava i Iskandera Machmudava, Evraz Ramana Abramoviča i partnioraŭ, Novalipieckaha mietałurhičny kambinat (NŁMK) Uładzimira Lisina i Mahnitahorski mietałurhičny kambinat (MMK) Viktara Rašnikava. Pa dakumientach za śniežań, NT Marine vydali kvoty na pastaŭku koksam vuhalu Evraz, «Tałteka» (vałodaje vuhalnaj kampanijaj «Paŭnočny Kuzbas»), «Kuzbassrazriezuhla», «Sievierstali» i antracytu z pradpryjemstvaŭ Rastoŭskaj vobłaści.
Z 1 červienia 2019 hoda pastaŭki rasijskaha vuhalu i naftapraduktaŭ na terytoryju Ukrainy ažyćciaŭlajucca tolki pry najaŭnaści kvot, jakija vydaje Minekanamraźvićcia. Takoje rašeńnie było pryniata ŭ Maskvie ŭ adkaz na abmiežavańnie impartu rasijskich tavaraŭ Kijevam.
