Navukoŭcy Sibirskaha dziaržaŭnaha miedycynskaha univiersiteta vyśvietlili, kaho čaściej za ŭsio kusajuć kamary, piša RIA Naviny.
Na dumku śpiecyjalistaŭ, najbolš pryvabnymi «achviarami» źjaŭlajucca ŭniviersalnyja donary - ludzi z I hrupaj kryvi: pavodle daśledavańnia, ich kusajuć udvaja čaściej za pradstaŭnikoŭ II hrupy.
Taksama na «smakavyja pieravahi» kamaroŭ upłyvaje tempieratura cieła, rezkija pachi, naprykład, potu, i aktyŭny krovazvarot.
Akramia taho, pry vysokim uzroŭni mietabalizmu čałaviek vypracoŭvaje bolš vuhlakisłaha hazu, pa jakim kamary vyznačajuć krynicu ježy.
«Tamu kamar chutčej za ŭsio ukusić darosłaha čałavieka, a nie dzicia, ciažarnych žančyn, ludziej z vysokim indeksam masy cieła, a taksama ludziej, zaniatych fizičnaj pracaj», - havorycca ŭ publikacyi SDMU.
Jak adznačajuć daśledčyki, samym efiektyŭnym srodkam baraćby z kamarami pa-raniejšamu zastajucca ultrahukavyja prybory. Taksama dla adpałochvańnia kryvasmokaŭ moža być efiektyŭny alej kvietak vuzkalistnaj łavandy ci raspuščanaja ŭ vadzie vanil.
