U Polščy za apošnija 28 hadoŭ sama mieniej 382 niepaŭnaletnija stali achviarami seksualnamu hvałtu z boku pradstaŭnikoŭ katalickaha kaścioła. Pra heta paviedamlaje polskaje telebačańnie sa spasyłkaj na spravazdaču polskaha katalickaha kaścioła.
Pavodle dakłada, seksualnyja złačynstvy suprać niepaŭnaletnich ažyćciaŭlalisia ŭ pieryjad z 1990 pa 2018 hady. U spravazdačy havorycca, što 198 achviar byli maładziejšymi za 15 hadoŭ.
«Heta asabliva balučaje, trahičnaje pytańnie, pakolki jano źviazana sa śviatarami, jakija pryśviacili siabie słužeńniu carkvie, inšym ludziam. U ich jość sacyjalny davier, i hety sacyjalny davier byŭ zdradžany», — zajaviŭ arcybiskup Marek Jedrašeŭski.
Polšča zastajecca adnoj z samych pabožnych krain Jeŭropy. Amal 85% z 38-miljonnaha nasielnictva Polščy ličać siabie katalikami, a kala 12 miljonaŭ naviedvajuć imšu kožnuju niadzielu.
