skysports
Apublikavanyja apošnija aŭdyjopaviedamleńni arhiencinskaha futbalista Emilijana Sała, jaki znachodziŭsia na borcie samalota, jaki prapaŭ na šlachu z Nanta ŭ Kardyf.
Sała padpisaŭ kantrakt z FK «Kardyf» i lacieŭ na pryvatnym samalocie va Uels.
«Pryvitańnie, chłopcy, jak spravy? Bratačka, ja bieź sił. Ja pierarabiŭ kuču spraŭ u Nancie, a zaraz laču na samalocie, jaki, zdajecca, voś-voś razvalicca, laču ŭ Kardyf. Zaŭtra ŭsio pačniecca, dniom ja pierajdu da trenirovak z novaj kamandaj. Pahladzim, što atrymajecca. Jak spravy, usio ŭ paradku?
Vydańnie taksama apublikavała apošniaje paviedamleńnie hulca ŭ WhatsApp.
«Kali praz paŭtary hadziny ja nie vyjdu na suviaź i ad mianie nie budzie navin, to, mabyć, šukać mianie ŭžo nie treba budzie. Tata, jak ža mnie ciapier strašna», - skazaŭ jon.
Raniej paviedamlałasia, što pošuki źnikłaha samalota z futbalistam na borcie prypynienyja
Valijski kłub zapłaciŭ za tranśfier 15 miljonaŭ funtaŭ sterlinhaŭ - hetaja suma stała rekordnaj u historyi kamandy. Paśla praviedzienych u Kardyfie aficyjnych mierapryjemstvaŭ z nahody pierachodu Sała viarnuŭsia ŭ Nant, kab raźvitacca z byłymi adnakłubnikami.
