Śviatłana Aleksijevič. Fota belnovosti.by.
Nahodaj dla ich zajavy stała intervju kiraŭnika FSB Alaksandra Bortnikava, jakoje jon niadaŭna daŭ «Rośsijskoj hazietie». Zajavu padpisali bolš za 80 čałaviek — siabry asacyjacyi «Svabodnaje słova», a taksama litaratary, jakija dałučylisia da ich, paviedamlaje «Jeŭraradyjo» sa spasyłkaj na colta.ru.
Pad zajavaj padpisalisia łaŭreat Nobieleŭskaj premii piśmieńnica Śviatłana Aleksijevič, piśmieńniki Viktar Šandarovič, Dzianis Drahunski, Ludmiła Ulickaja, litkrytyk Alaksandr Archanhielski, paety Siarhiej Handleŭski, Leŭ Rubinštejn i inšyja.
Intervju Bortnikava jany rasceńvajuć «jak važny etap u kampanii pa reabilitacyi dziejnaści čekistaŭ, jak imknieńnie adkryta vyvieści praces paŭzučaj stalinizacyi na dziaržaŭny ŭzrovień».
«Sproby apraŭdać dziaržaŭny teror, jaki ažyćciaŭlaŭ VČK-ADPU-NKUS-MDB, što zabraŭ žyćci miljonaŭ niavinnych hramadzian našaj krainy, my ličym niedapuščalnymi», — havorycca ŭ zajavie.
Intervju Bortnikava źjaviłasia 20 śniežnia — u dzień naradžeńnia balšavickaj VČK. U hutarcy dyrektar FSB zajaviŭ, što nie varta «adchryščvacca ad słova čekist», bo heta «ŭsio adno što davodzić da ahulnaha zabyćcia pakaleńni našych papiarednikaŭ».
Kali havorka išła pra stalinskija represii 1930-ch hadoŭ, Bortnikaŭ źviartaŭ uvahu na čystki ŭ NKUS, a nie na masavyja represii inšych hramadzian. Jon dadaŭ, što «archiŭnyja materyjały śviedčać pra najaŭnaść abjektyŭnaha boku ŭ značnaj častcy kryminalnych spraŭ, u tym liku tych, jakija lahli ŭ asnovu viadomych adkrytych pracesaŭ».
