Viadučym čarhovaha vypuska štotydniovaj infarmacyjnaj prahramy «Kontury» na telekanale ANT staŭ Juryj Hrojeraŭ.
fota z fejsbuka Juryja Hrojerava.
Papiaredniaje miesca pracy hetaha žurnalista, papularnaha ŭ 2000-ja — Teleradyjoviaščalnaja arhanizacyja Sajuznaj dziaržavy.
Hrojeraŭ staŭ pieršym namieśnikam staršyni TRA-Sajuz (ciapier «BiełRos») u 2012 hodzie. Heta małazaŭvažny telekanał, jakoha niama ŭ bolšaści kabielnych sietak Biełarusi. Zatoje «BiełRos» bazujecca ŭ Maskvie, a kiraŭnictva atrymlivaje zarobki pa rasijskich staŭkach.
Fota sb.by
Jašče raniej Hrojeraŭ pracavaŭ namieśnikam hienieralnaha dyrektara Ahienctva telenavinaŭ Biełteleradyjokampanii. Jon byŭ viadučym prapahandysckaha niadzielnaha vypusku «Panaramy», jaki nazyvaŭsia «U centry ŭvahi».
archiŭnaje fota.
Adznačym, što apošnim časam składana adkazać na pytańnie, chto źjaŭlajecca viadučym «Konturaŭ». Raniejšy tvar prahramy, rasiejec Ilja Kołasaŭ redka źjaŭlajecca ŭ efiry.
Na minułym tydni, naprykład, «Kontury» vioŭ Dźmitryj Bačkoŭ, jašče adzin były top-mieniedžar Biełteleradyjokampanii.
Za kursam na pieraciahvańnie ŭ efir ANT kolišniaha kiraŭnictva BT staić novy staršynia praŭleńnia telekanała Marat Markaŭ. Jon taksama pierajšoŭ z BT.
