U Jehipcie prachodzić cyrymonija adkryćcia 72-kiłamietrovaha dublora Sueckaha kanała.
AFP
Fłatylija vajennych karabloŭ u supravadžeńni viertalotaŭ i vajennaha samalota prajšła pa kanale. Fłatyliju ŭznačalvała jachta, na borcie jakoj znachodziŭsia prezident Jehipta Abdel Fatach al-Sisi.
Pa słovach jehipieckaha prezidenta, budaŭnictva dublora Sueckaha kanała było nieabchodna krainie dla raźvićcia ekanomiki paśla niekalkich hadoŭ palityčnaj i ekanamičnaj niestabilnaści.
Realizacyja prajekta abyšłasia Jehiptu ŭ 8,5 młrd dalaraŭ, na budaŭnictva spatrebiŭsia ŭsiaho hod.
Asnoŭnym pryznačeńniem dublora źjaŭlajecca zabieśpiačeńnie dvuchbakovaha ruchu sudoŭ. U dalejšym z poŭdnia na poŭnač jany buduć ruchacca pa staromu, a z poŭnačy na poŭdzień pa novym rečyščy. Heta dazvolić paźbiehnuć zatoraŭ i čakańnia, skarocić čas prachodžańnia kanała z 18 da 11 hadzin i pavysić sutačnuju pradukcyjnaść z 49 da 97 karabloŭ.
Suecki kanał zabiaśpiečvaje 7% suśvietnaha marskoha hruzaabarotu, hraje klučavuju rolu ŭ zabieśpiačeńni Jeŭropy blizkaŭschodniaj naftaj, a dla Jehipta źjaŭlajecca druhioj paśla turyzmu krynicaj valutnaj vyručki. Jak čakajecca, dublor pavysić dachod Jehipta ad ekspłuatacyi vodnaha šlachu ŭ 2,5 razy — da 13,2 młrd dalaraŭ da 2023 hoda ź ciapierašnich 5,3 młrd dalaraŭ.
