Punkt propusku «Piasčatka» na biełaruska-polskaj miažy ŭ Kamianieckim rajonie Bresckaj vobłaści mianiaje status ź miždziaržaŭnaha na mižnarodny. Pra heta paviedamili ŭ Dziaržaŭnym mytnym kamitecie (DMK).
«Z 9.00 15 krasavika ŭ punkcie propusku «Piasčatka» mytnyja apieracyi, źviazanyja z prybyćciom na terytoryju Jeŭrazijskaha ekanamičnaha sajuza i vybyćciom ź jaje tavaraŭ, što pieramiaščajucca ŭ mižnarodnym aŭtamabilnym ruchu, buduć ździajśniacca niezaležna ad hramadzianstva asob, jakija pierasiakajuć miažu, i dziaržaŭnaj prynaležnaści transpartnych srodkaŭ», — havorycca ŭ paviedamleńni DMK.
U dadzienym punkcie propusku mohuć pierasiakać miažu aŭtobusy i hruzavyja transpartnyja srodki z poŭnaj masaj da 7,5 t, za vyklučeńniem transpartnych srodkaŭ, što pieramiaščajuć tavary, jakija padlahajuć vieterynarnamu i (abo) fitasanitarnamu vidam kantrolu.