U hetym numary sabranyja materyjały, jakija tak ci inakš refleksujuć nad temaj rodnaha domu ci prynamsi niejkim bokam datykajucca jaje.
Domu svajho ci čužoha. U Biełarusi, u Jeŭropie, Amierycy ci Afrycy. Bo pačućci nie majuć miežaŭ. I z takoj suśvietnaj hłabalnaściu źviazanaja jašče adna niezvyčajnaść hetaha numara: rubrykacyja ŭ im zroblenaja zusim nie pavodle navukovych ci litaraturnych žanraŭ publikavanych materyjałaŭ. Bo i vierš, i ese, i histaryčny artykuł, u jakich asensoŭvajecca, skažam, tema vyhnańnia, — heta choć i roznyja teksty, pa-roznamu napisanyja, ale napisanyja pra sutnasna adno i toje ž. «Voś ža, dla rubrykacyi my abrali tematyčny padychod. A kab vaviłonskaje źmiašeńnie mastackich dy navukovych žanraŭ było poŭnym, to my vyrašyli jašče i vizualna ŭraznastaić časopis: akramia zvykłaha, zbolšaha fatahrafičnaha, supravadžeńnia paasobnych tekstaŭ, staronki vydańnia azdablajuć i mastackija zdymki maładziečanskaha fatohrafa Siarhieja Leskiecia, a taksama hrafičnyja pracy Hanny Kruk», — piša redakcyja Arche.
Pra źmiest numara i toje, jak jaho zamović, možna daviedacca na sajcie časopisa.
