Zamaskvarecki rajonny sud Maskvy źmiakčyŭ kvalifikacyju dziejańniaŭ bratoŭ Alaksieja i Aleha Navalnych pa spravie «Iŭ Raše», paviedamlajuć rasijskija ahienctvy sa spasyłkaj na pres-reliz suda. Alaksiej Navalny, tym časam, prapanavaŭ rasijskaj apazicyi novuju taktyku.
Kali raniej havorka išła ab 4-j častcy artykuła 159 KK RF («Machlarstva»), to ŭ vyniku braty prachodzili pa 2-j i 3-j častkach artykuła 159.4 KK RF («Machlarstva ŭ śfiery pradprymalnickaj dziejnaści»), vynikaje z pres-rieliza.
U kancy śniežnia Alaksiej Navlny byŭ prysudžany da 3,5 hadoŭ umoŭna, a jaho brat Aleh atrymaŭ realny termin toj ža praciahłaści. Vyniasieńnie prysudu było niečakana pieraniesiena z 15 studzienia 2015 hoda na 30 śniežnia 2014.
Sud taksama paviedamiŭ, što Fiederalnaja słužba vykanańnia pakarańniaŭ čatyry razy chadajničała ab źmianieńni miery strymańnia Navalnamu, jaki znachodziŭsia pad chatnim aryštam. U pres-relizie suda nie ŭdakładniajecca, ab jakoj miery strymańnia prasiła FSVP.
Alaksiej Navalny maje namier arhanizavać u druhoj pałovie lutaha masavyja akcyi suprać karupcyi, u padtrymku niezaležnaj sudovaj sistemy i za sumlennyja vybary. Pra novuju taktyku akcyj apazicyi Navalny napisaŭ u svaim błohu.
Pa słovach apazicyjaniera, na ŭładu mohuć paŭpłyvać tolki ludzi na vulicach. Jon prapanuje vieści padrychtoŭku nie tolki praz sacyjalnyja sietki, ale i z dapamohaj ahitataraŭ, vykarystoŭvajučy vopyt akcyj salidarnaści z achviarami teraryzmu ŭ Francyi.
