Dzicia zahinuła na pažary ŭ pasiołku Ždanovičy Minskaha rajona, paviedamlaje pres-słužba MNS.
Paviedamleńnie ab pažary ŭ žyłym domie pa vulicy Zialonaj pastupiła 8 listapada ŭ 21.15. Pa prybyćci da miesca vykliku pieršaha padraździaleńnia MNS było adkrytaje hareńnie ŭ kuchni.
Pavodle papiaredniaj infarmacyi, maci doma nie było, starejšaja dačka była na pracy, siaredni syn — u susiedziaŭ. Chłopčyk 2002 naradžeńnia zastaŭsia doma adzin.
Kali siaredni syn viarnuŭsia, to vyjaviŭ u kuchni pažar i małodšaha brata, jaki lažaŭ na padłozie. Jon vynies bracika na vulicu i paklikaŭ na dapamohu susiedziaŭ.
Daktary paźniej kanstatavali śmierć dziciaci. Jaho brat z atručvańniem praduktami hareńnia lohkaj stupieni špitalizavany.
Pryčyna pažaru vyśviatlajecca. Miarkujecca, što byli parušanyja praviły ekspłuatacyi elektrasietak i elektraabstalavańnia (karotkaje zamykańnie elektrapravodki).
