U Ministerstvie zamiežnych spraŭ Ukrainy adchilili prapanovu Alaksandra Łukašenki uvieści miratvorčyja vojski na Danbas.
Pra heta RBK-Ukraina zajaviŭ dyrektar departamienta infarmacyjnaj palityki MZS Jaŭhien Pierabijnis.
«My ličym, nijakich miratvorčych vojskaŭ u Ukrainu ŭvodzić nie treba. Treba, kab Rasijskaja Fiederacyja i terarysty vykonvali minskija damoŭlenaści ab spynieńni ahniu i abmienie zakładnikami… Rasijskaja Fiederacyja pavinna vyvieści svaje vojski z terytoryi Ukrainy. Nijakich miratvorčych vojskaŭ va Ukrainie nie treba. My zdolnyja sami navieści paradak na svajoj ziamli, kali jaje pakinuć zamiežnyja vojski», — adznačyŭ Pierabijnis.
Nahadajem, 2 kastryčnika Alaksandr Łukašenka vykazaŭ hatoŭnaść praciahnuć svaju pasrednickuju misiju dla mirnaha ŭrehulavańnia ŭkrainskaha kanfliktu. «Kali treba — a heta dla mianie vielmi niebiaśpiečnaja i strašnaja reč — kali jość niedavier Rasii da Zachadu i Zachadu da Rasii, Amieryki da Rasii i Rasii da Amieryki, i jość niedavier vajujučych bakoŭ, to ja hatovy byŭ b vykarystoŭvać i svaje ŭzbrojenyja siły dla taho, kab raźvieści kanfliktujučyja baki», — zajaviŭ Łukašenka.
