Фота: Michel Euler / AP
У абласным цэнтры на ўсходзе краіны сабраліся звыш за 120 батутыстаў, якія апошнім часам стабільна прыносілі Беларусі медалі на топ-турнірах.
На Алімпіядзе ў Рыа-дэ-Жанейра-2016 золата заваяваў, нагадаем, Уладзіслаў Ганчароў, у Токіа-2020 яго поспех паўтарыў Іван Літвіновіч.
Права выступіць з цырыманіяльнай прамовай на адкрыцці турніру ў Магілёве было дадзена Пятрэні, якая да гэтага часу ва ўзросце 42 гадоў была дзейнай спартоўкай. Яна абвясціла прысутным аб рашэнні завяршыць кар'еру ў сілу немагчымасці адабрацца на бліжэйшую Алімпіяду.
Рэч у тым, што ключавыя кваліфікацыйныя старты, нягледзячы на допуск беларусаў да гульняў ад МАК у нейтральнай якасці, ужо мінулі, і шанцаў абзавесціся ліцэнзіяй у Таццяны не засталося.
Пятрэня ўдзельнічала ў Алімпіядах у 2004, 2008, 2012 і 2016 гадах. Яе найлепшым вынікам з'яўляецца 5-е месца, якое батутыстка займала двойчы — у Лондане 11 гадоў таму і ў Рыа 7 гадоў таму, піша smartpress.by.
Яна таксама з'яўляецца шасціразовым прызёрам чэмпіянатаў свету і трохразовым прызёрам чэмпіянатаў Еўропы, паведамілі ў прэс-службе Беларускай асацыяцыі гімнастыкі.
Нагадаем, што 8 снежня Міжнародны алімпійскі камітэт дапусціў беларускіх і расійскіх спартоўцаў да Летніх Алімпійскіх гульняў, што пройдуць у 2024 годзе ў Парыжы ў нейтральным статусе, а таксама пры некаторых умовах. Аднак, каб трапіць на іх, трэба паказаць вынікі ў кваліфікацыйных спаборніцтвах, некаторыя з якіх ужо мінулі. А кіраўнік Сусветнай атлетычнай асацыяцыі заявіў, што беларускіх і расійскіх лёгкаатлетаў на Гульнях не будзе ў ніякім выглядзе.
Чытайце таксама:
МАК дапусціў беларускіх і расійскіх спартоўцаў да Алімпіяды-2024
Лёгкаатлетаў з Беларусі і Расіі на Алімпіядзе не будзе — прэзідэнт World Athletics
«Адна вайна з 28 у свеце». Кіраўнік МАК бароніць допуск атлетаў з Беларусі і Расіі на Алімпіяду-2024
