Fota: Michel Euler / AP
U abłasnym centry na ŭschodzie krainy sabralisia zvyš za 120 batutystaŭ, jakija apošnim časam stabilna prynosili Biełarusi miedali na top-turnirach.
Na Alimpijadzie ŭ Rya-de-Žaniejra-2016 zołata zavajavaŭ, nahadajem, Uładzisłaŭ Hančaroŭ, u Tokia-2020 jaho pośpiech paŭtaryŭ Ivan Litvinovič.
Prava vystupić z cyrymanijalnaj pramovaj na adkryćci turniru ŭ Mahilovie było dadziena Piatreni, jakaja da hetaha času va ŭzroście 42 hadoŭ była dziejnaj spartoŭkaj. Jana abviaściła prysutnym ab rašeńni zaviaršyć karjeru ŭ siłu niemahčymaści adabracca na bližejšuju Alimpijadu.
Reč u tym, što klučavyja kvalifikacyjnyja starty, niahledziačy na dopusk biełarusaŭ da hulniaŭ ad MAK u niejtralnaj jakaści, užo minuli, i šancaŭ abzavieścisia licenzijaj u Taćciany nie zastałosia.
Piatrenia ŭdzielničała ŭ Alimpijadach u 2004, 2008, 2012 i 2016 hadach. Jaje najlepšym vynikam źjaŭlajecca 5-je miesca, jakoje batutystka zajmała dvojčy — u Łondanie 11 hadoŭ tamu i ŭ Rya 7 hadoŭ tamu, piša smartpress.by.
Jana taksama źjaŭlajecca šaścirazovym pryzioram čempijanataŭ śvietu i trochrazovym pryzioram čempijanataŭ Jeŭropy, paviedamili ŭ pres-słužbie Biełaruskaj asacyjacyi himnastyki.
Nahadajem, što 8 śniežnia Mižnarodny alimpijski kamitet dapuściŭ biełaruskich i rasijskich spartoŭcaŭ da Letnich Alimpijskich hulniaŭ, što projduć u 2024 hodzie ŭ Paryžy ŭ niejtralnym statusie, a taksama pry niekatorych umovach. Adnak, kab trapić na ich, treba pakazać vyniki ŭ kvalifikacyjnych spabornictvach, niekatoryja ź jakich užo minuli. A kiraŭnik Suśvietnaj atletyčnaj asacyjacyi zajaviŭ, što biełaruskich i rasijskich lohkaatletaŭ na Hulniach nie budzie ŭ nijakim vyhladzie.
Čytajcie taksama:
MAK dapuściŭ biełaruskich i rasijskich spartoŭcaŭ da Alimpijady-2024
Lohkaatletaŭ ź Biełarusi i Rasii na Alimpijadzie nie budzie — prezident World Athletics
Nazvali imiony biełarusaŭ, jakija mohuć pajechać na Alimpijadu
