Ванэса Каладзінская — адна з чатырох спартоўцаў, якія могуць паехаць на Алімпіяду
Дзве алімпійскія ліцэнзіі ў верасні 2023 года атрымалі прадстаўніца жаночай барацьбы Ванэса Каладзінская і грэка-рымскі барэц Абубакар Хаслаханаў, якія занялі, адпаведна, другое і пятае месцы на чэмпіянаце свету ў Белградзе.
Таксама на Алімпійскія Гульні 2024 года могуць паехаць плыўчыха Настасся Шкурдай, якая заваявала срэбра на этапе Кубка свету ў Будапешце, і прадстаўнік акадэмічнага веславання Яўген Залаты, які здабыў пуцёўку ў Парыж на чэмпіянаце свету ў Сербіі.
Раней Міжнародны алімпійскі камітэт паведаміў, што ліцэнзіі для ўдзелу ў Алімпіядзе атрымалі пяцёра беларускіх спартоўцаў, аднак іх імёнаў ён не называў.
XXXIII Алімпійскія гульні запланавана правесці ў Парыжы з 26 ліпеня па 11 жніўня 2024 года.
Чытайце таксама:
«Адна вайна з 28 у свеце». Кіраўнік МАК бароніць допуск атлетаў з Беларусі і Расіі на Алімпіяду-2024
НАК вітаў допуск да Алімпіяды, але назваў яго ўмовы дыскрымінацыйнымі
У Чэхіі прапанавалі «крывавыя» варыянты формы для выступлення беларусаў і расіян на Алімпіядзе
