Прэзідэнт Украіны Пятро Парашэнка сваім указам звольніў Уладзіміра Сінькевіча з пасады намесніка старшыні Службы замежнай разведкі Украіны, піша Радыё Свабода.
Адпаведны ўказ разімешчаны на афіцыйным сайце ўкраінскага прэзідэнта.
У той жа час, у дакуменце, падпісаным сёння, адсутнічае абгрунтаваньне гэтага кадравага рашэньня.
Служба замежнай разведкі Украіны ёсць дзяржаўным органам, які ажыццяўляе разведніцкую дзейнасць у палітычнай, эканамічнай, ваенна-тэхнічнай, навукова-тэхнічнай, інфармацыйнай і экалагічнай сфэрах. Як адзначаецца на афіцыйным сайце гэтай структуры, яе дзейнасць ахоплівае працэсы здабычы шляхам правядзення агентурнай і тэхнічнай разведкі актуальнай інфармацыі, яе аналізу і падрыхтоўкі аналітычных матэрыялаў, прагнозаў і сцэнараў разьвіцця сітуацыі ў сфэры нацыянальнай і міжнароднай бяспекі.
«Асноўныя намаганні супрацоўнікаў, якія ажыццяўляюць агентурную разведку, накіраваныя на забеспячэнне кіраўніцтва дзяржавы актуальнай разведнай інфармацыяй і правядзенне спецыяльных мерапрыемстваў з мэтай забесьпячэння выгадных для Украіны рашэнняў і падтрымання яе станоўчага іміджу на міжнароднай арэне».
![Клас Клас](https://d2lur0sisdcrej.cloudfront.net/images/reactions/reaction-like.png)
![Панылы сорам Панылы сорам](https://d2lur0sisdcrej.cloudfront.net/images/reactions/reaction-facepalm.png)
![Ха-ха Ха-ха](https://d2lur0sisdcrej.cloudfront.net/images/reactions/reaction-smile.png)
![Ого Ого](https://d2lur0sisdcrej.cloudfront.net/images/reactions/reaction-omg.png)
![Сумна Сумна](https://d2lur0sisdcrej.cloudfront.net/images/reactions/reaction-sad.png)
![Абуральна Абуральна](https://d2lur0sisdcrej.cloudfront.net/images/reactions/reaction-anger.png)