Biełastockija «Prymaki» — 24 listapada ŭ vialikaj zale Fiłarmonii 2

A adbyłosia ŭsio ŭ 1995 hodzie. Jurka Astapčuk, Mark Zrajkoŭski i Bahdan Misiejuk arhanizoŭvajuć ansambl i nazyvajuć jaho «Prymaki».

U 1996 hodzie źjaviłasia pieršaja kasieta z nazvaj «Jasnaja zorka». Na samych viadomych polskich radyjostancyjach hučać «Prymaki». Ansambl daje pieršyja kancerty ź vialikim pośpiecham. Raście papularnaść ansambla. Ansambl «Prymaki» biare ŭdzieł va Usiepolskim fiestyvali «Biełaruskaja pieśnia» u Biełastoku i zajmaje pieršaje miesca.

U 1998 hodzie vychodzić druhaja kasieta z nazvaj «Cyhanka». Chitami stanoviacca pieśni «Lileja» i «Cyhanka». Ansambl na praciahu hoda na terytoryjach Polščy i Biełarusi daje kala 40 kancertaŭ.

U 2000 hodzie na muzyčnym rynku źjaŭlajecca novaja treciaja kasieta z nazvaj «Bratka-biełarus». «Zabava» i «Lacić voran» — chity hetaj kasiety. Znoŭ zajmajuć 1 miesca va Usiepolskim fiestyvali «Biełaruskaja pieśnia» u Biełastoku.

Novaje stahodździe i 2001 hod — novaja kasieta z nazvaj «Ty i ja navieki» i adnačasova albom «Karnavał». Znoŭ 1-je miesca na Usiepolskim fiestyvali «Biełaruskaja pieśnia» ŭ Biełastoku.

U 2002 hodzie źjaŭlajecca pieršy kampakt-dysk z nazvaj «Ty i ja navieki».

U 2003 hodzie ansambl prystupaje da studyjnaj pracy nad novym muzyčnym materyjałam da kasiety «Moj rodny kut». Ansambl atrymlivaje Vyšejšuju ŭznaharodu kultury ad urada Respubliki Biełaruś «Hanarovaja hramata Savieta Ministraŭ Respubliki Biełaruś».

U 2004 hodzie ansambl uznaharodžany pryzam ministra abarony Polščy.

U 2005 hodzie film «Prymaki» režysiora Uładzimira Bokuna atrymlivaje 1-je miesca na 1 Mižnarodnym Fiestyvali Chryścijanskich filmaŭ i teleprahram «Mahnifikat 2005».

Ansambl za apošnija 10 hodoŭ hastralavaŭ u Litvie, Łatvii, Estonii, Słavaččynie, Niamieččynie, Šviecyi i Biełarusi.

24 listapada ŭ vialikaj zale Fiłarmonii — a 19-j hadzinie.

0

0

0

0

0

0