Cinoptyki prahnazujuć u vychadnyja dni mokry śnieh i ŭtvareńnie na prajeznaj častcy hałalodzicy, u asobnych miescach na darohu budzie apuskacca tuman.U suviazi z hetym Dziaržaŭtainśpiekcyja prosić usich udzielnikaŭ darožnaha ruchu być vielmi ŭvažlivymi i aściarožnymi, paviedamili va UDAI MUS Biełarusi.
Udzielnikam darožnaha ruchu treba pakłapacicca ab abaznačeńni siabie na darozie va ŭmovach abmiežavanaj bačnaści:
kiroŭcam — uklučać blizkaje śviatło, piešachodam — nasić śviatłoviartalnyja elemienty.Viełasipiedystam treba vykarystoŭvać aktyŭnaje śviatło i kamizelki pavyšanaj bačnaści.
U takija składanyja ŭmovy nadvorja, kali abmiežavanaja bačnaść, pieršaje, što nieabchodna zrabić, — uklučyć blizkaje śviatło far i procitumanki.Nie lišnim budzie ŭklučyć avaryjnuju sihnalizacyju. Akramia taho, pry papadańni ŭ pałasu tumanu abo mocnaha daždžu patrebna płaŭna źnižać chutkaść, pavialičvać dystancyju pamiž transpartnymi srodkami, jakija ruchajucca, paźbiahać rezkich manieŭraŭ i tarmažeńniaŭ, vyklučyć vyjezd na pałasu sustrečnaha ruchu. Padjazdžajučy da piešachodnych pierachodaŭ, prypynkaŭ hramadskaha transpartu, skryžavańniaŭ, čyhunačnych pierajezdaŭ, va ŭmovach hustoha tumanu treba źnizić chutkaść i adkryć akno, kab čuć darohu.
Piešachodam rekamiendujecca ruchacca pa tratuarach i piešachodnych darožkach, a pry ich adsutnaści — pa abočynie.Ruchacca pa krai prajeznaj častki možna tolki ŭ krajnim vypadku, kali abočyna nie prydatnaja dla ruchu. Pry hetym treba iści nasustrač transpartnym srodkam, heta daść mahčymaść svoječasova zreahavać na niebiaśpieku. U ciemnacie, a taksama va ŭmovach abmiežavanaj bačnaści (mocny doždž, tuman) kožny piešachod, vymušany iści pa krai darohi, pavinien być abaznačany śviatłoviartalnymi elemientami, a lepš — apranuty ŭ kamizelku pavyšanaj bačnaści sa śviatłoviartalnymi ŭstaŭkami.
Flikiery pry hetym treba prymacoŭvać tak, kab jany byli bačny kiroŭcu.Pierasiakać prajeznuju častku navat pa rehulujemym piešachodnym pierachodzie ŭ takoje nadvorje treba vielmi ŭvažliva i tolki ŭpeŭniŭšysia, što transpartnyja srodki poŭnaściu spynilisia i prapuskajuć piešachoda.
Užo siońnia inśpiektary DAI buduć pracavać va ŭzmocnienym režymie. Śpiecpadraździaleńnie DPS «Strała» budzie adpracoŭvać Lidski, Astraviecki, Baranavicki, Śvietłahorski, Ivacevicki, Viciebski rajony.
0
0
0
0
0
0
