644 hady tamu: pieršaja surjoznaja bitva VKŁ z Maskvoj 22

Trośnienskaja bitva — najbolšaja pieramoha VKŁ nad Maskoŭskim vialikim kniastvam u XIV stahodździ.

Adbyłasia jana 21 listapada 1368 hodu (u aŭtorak, na Uviadzieńnie; niekatoryja krynicy padajuć pamyłkovuju datu 21 śniežnia) na race Trośnie. Kampanija 1368 hoda («pieršaja Litoŭščyna» maskoŭskich letapisaŭ) była raspačata Alhierdam u padtrymku sajuznaha VKŁ Ćviarskoha kniastva.

Alhierd, zhadvajuć letapiscy, zaŭždy trymaŭ płany pachodaŭ u sakrecie, nie raskryvajučy ich da apošniaha momantu navat najbližejšym.

Spracavała takaja taktyka i hetym razam. Maskoŭskaja vyviedka była peŭnaja, što lićviny pryjduć z boku Rževy, miž tym Alhierd raptoŭna źjaviŭsia z paŭdniovaha zachadu i zaśpieŭ vialikaha kniazia maskoŭskaha Dźmitryja (budučaha Danskoha) źnianacku, piša «Encykłapiedyja historyi Biełarusi». Złamaŭšy supraciŭ kniazioŭ Siamiona Dźmitryjeviča Ctaradubskaha-Krapivy i Kanstancina Jurjeviča (abalenskaha kniazia) vojska VKŁ nabliziłasia da Maskvy, dzie na race Trośnie (levy prytok raki Nary, levaha prytoka Aki; raka viadomaja ciapier u daviednikach i na kartach jak Trasna) jaho sustreła naśpiech sabranaja «zastava» na čale z vajavodami Dźmitryjem Mininym i Akinfam Šubam.

Ciažkaŭzbrojenaja litoŭskaja końnica ŭščent razhramiła jaje, abodva vajavody i amal usie ratniki byli zabityja ci ŭtapilisia ŭ Trośnie.

Pieramoha ŭ Trośnienskaj bitvie adkryła Alhierdu šlach na Maskvu,

trochdzionnaja abłoha jakoj była, adnak, biespaśpiachovaj (za hod da hetaha byŭ pabudavany muravany Maskoŭski Kreml).

SM

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH