Na videazapisach z kamier nazirańnia pasolstva Litvy ŭ Minsku, atakavanaha butelkami z «kaktejlem Mołatava» pozna viečaram 6 listapada, bačnyja tolki dva ciomnyja siłuety, jakija chutka ruchalisia. Niemahčyma navat razabrać, mužčyny heta ci žančyny.
Pra heta śledčym orhanam paviedamili litoŭskija palicejskija, supracoŭniki słužby biaśpieki dypmisii.
Sami videazapisy śledstvu pakul nie pieradadzienyja.
Nahadajem, złačynstva było ŭčynienaje 6 listapada ŭ 22.48.Dvoje nieviadomych kinuli dźvie butelki z «kaktejlem Mołatava» na terytoryju litoŭskaj dypłamatyčnaj misii, raźmieščanaj u Minsku pa adrasie vulica Zacharava, 68. Abiedźvie jomistaści zaharelisia, ale ŭzharańnie było svoječasova łakalizavanaje supracoŭnikami słužby biaśpieki pasolstva. Uronu naniesiena nie było, pakolki butelki ŭpali na tratuarnuju plitku.
Pa vynikach ahladu terytoryi kanfiskavanyja abjekty, jakija majuć značeńnie dla spravy, pa jakoj pryznačanyja ekśpiertyzy (askołki škła, frahmienty butelek, uzory źmieściva butelek).
Partyzanskim (Minska) rajonnym adździełam Śledčaha kamiteta raspačata kryminalnaja sprava za chulihanstva, učynienaje hrupaj asob (č. 2 art. 339 KK). Pavodle źviestak BiełaPAN, zaraz vyrašajecca pytańnie pra toje, na jakim uzroŭni budzie rasśledavacca heta sprava.
0
0
0
0
0
0
