RHA «Pierśpiektyva» 9 kastryčnika nakiravała ŭ departamient pa pradprymalnictvie Ministerstva ekanomiki list, u jakim zaklikaje «pryniać dziejsnyja miery pa praduchileńni sprob naviazać pradprymalnikam abaviazki pa ŭstanoŭcy kasavych aparataŭ na rynkach».9 kastryčnika na schodzie, u jakim udzielničali kala 20 pradprymalnikaŭ, što pracujuć na staličnym rynku «Ždanovičy», było vyrašana źviarnucca ŭ departamient pa pradprymalnictvie.
Jak paviedamiŭ staršynia savieta RHA «Pierśpiektyva» Anatol Šumčanka, pradprymalniki, jakija handlujuć na rečavym rynku, nie zhodnyja z rašeńniem administracyi HC «Ždanovičy», jakaja abaviazała ich ustanavić kasavyja padsumoŭvajučyja aparaty ŭ boksach z raletami.
Jon patłumačyŭ, što padstavaj dla patrabavańniaŭ z boku administracyi pasłužyła toje, što ŭ dahavorach arendy «handlovyja miescy ŭ handlovych radach» (boksy z raletami) u parušeńnie dziejnaha zakanadaŭstva jana kłasifikavała jak «paviljony».
«Handlovyja miescy ŭ handlovych radach na rečavym rynku „Ždanovičy“ ŭjaŭlajuć saboj rady zhrupavanych zbornych kanstrukcyj. Kožny boks abstalavany raletam. Takija paramietry handlovaha miesca nie dazvalajuć ličyć jaho paviljonam», — miarkuje Šumčanka.
«Dakładna takija ž zbudavańni stajać u Minsku, Hrodnie, Breście, — paviedamiŭ jon, — i nidzie tam kasavyja aparaty nie patrabujuć. My ličym, što dziejańni administracyi HC „Ždanovičy“ niezakonnyja, i majem namier padrychtavać iskavyja zajavy ŭ sudy, kab pradprymalnikam kampiensavali zatraty, jakija jany panieśli».
U zvarocie ŭ departamient pa pradprymalnictvie padkreślivajecca, što «prymušeńnie administracyi pradprymalnikam ustanaŭlivać kasavyja padsumoŭvajučyja aparaty niezakonnaje, dahavory arendy pavinny być pierapisany z ukazańniem handlovaha abjekta, jak handlovaje miesca ŭ handlovym radzie na rynku (raletny boks)».
Pradstaŭnik infarmahienctva byŭ praviedzieny ŭ administracyju, dzie pradjaviŭ dakumienty i rastłumačyŭ metu pryjezdu na rynak. A zaadno skarystaŭ mahčymaść i ŭziaŭ kamientar u načalnika kamiercyjnaha adździeła handlovaha centra Taisii Supranskaj.Treba skazać, što načalnik achovy handlovaha centra «Ždanovičy» sprabavaŭ pieraškodzić pracy videaapieratara BiełaPAN, jaki zdymaŭ schod pradprymalnikaŭ.
Zhodna z dahavornymi adnosinami, heta paviljon — modulnaja abstalavanaja pabudova z asobnymi ścienami, handlovaj załaj abo bieź jaje».«Kijosk — heta kanstrukcyja, jakaja staić asobna i jakaja padrazumiavaje ŭstanoŭku kasavaha aparata, — śćviardžaje jana, — i kožny pradprymalnik ab hetym viedaŭ.
«RHA «Pierśpiektyva» ličyć dziejańni administracyi HC «Ždanovičy» niepravamiernymi i prosić departamient sadziejničać «va ŭstanaŭleńni zakonnaści i spraviadlivaści, a taksama pryniać dziejsnyja miery pa praduchileńni sprob naviazać pradprymalnikam abaviazki pa ŭstanoŭcy kasavych padsumoŭvajučych aparataŭ, jakija jany nie pavinny vykonvać», havorycca ŭ liście.
