Sakretny vizit Patryjarcha Kiryła ŭ Biełaruś? 38

Možna było b padumać, što srodki masavaj infarmacyi ŭziali na ŭzbrajeńnie novuju stratehiju — ihnaravać Patryjarcha Kiryła i jaho vizit u Biełaruś u bližejšyja vychodnyja. Adnak

maŭčać nie tolki srodki masavaj infarmacyi, pra hety vizit nie paviedamlajuć i aficyjnyja krynicy — ni Rasiejskaj Pravasłaŭnaj Carkvy, ni Biełaruskaj Pravasłaŭnaj Carkvy.

I tolki ŭ nievialičkim roliku na jutubie na 2:26 prot. Viktar Bielakoŭ, nastajaciel Śviata-Pakroŭskaha chrama jak by pamiž inšym, raspaviadajučy pra paradak śviatakavańnia prastolnaha śviata Pakrova 14 kastryčnika paviedamlaje:

«A 9-j hadzinie my z Vami sustrakajem Patryjarcha Kiryła ŭsie Rusi, pieršaśviaciciela. Z Vami tut sustrakajem Patryjarcha,« — i pa-zmoŭnicku abvodzić vačyma prychadžanaŭ.

I praciahvaje: «Hospad tak sudziŭ, što ŭpieršyniu za 400 hod isnavańnia chrama našaha ŭ nas budzie ździajśniać słužeńnie Patryjarch u sasłužeńni 16-ci archijarejaŭ i mnostva prostych śviataroŭ… Značyć, ździajśniajecca słužeńnie ŭ nas Patryjarcha z sonmam archijarejaŭ, a potym adrazu paśla adpustu Patryjarch havoryć vitalnaje słova i źjaždžaje.

Jon tut znachodzicca z pracoŭnymi vizitam. A t.ia. śviatar nie moža zastavacca biez bohasłužeńnia ŭ śviatočnyja dni, Hospad upraviŭ jaho vybrać naš chram.

Nahoda jość viadoma, Pakroŭ i 400 hod. Kali Boh nie źmienić svajho rašeńnia, to my sustrakajem Patryjarcha».

Sa słovaŭ prot. Viktara vynikaje, što vizit nie prymierkavany da 400-hodździa chramu, a nosić pracoŭny charaktar.

Nahodaj dla vybaru chrama mahło stać nie tolki prastolnaje śviata i ŭračystaści, ale i blizkaść chrama da rezidencyi prezidenta ŭ Drazdach. Blizkaść nastolki vialikaja, što kali prezident vybraŭsia na hałasavańnie 23 vieraśnia, to słužba biaśpieki zamuravała ludziej u chramie ŭ čas liturhii, nichto nie moh ni zajści, ni vyjści.

Sustreča Patryjarcha z 16-ci archijarejami, ź ich, jak možna mierkavać, usimi biełaruskimi, taksama padzieja vialikaj značnaści, asabliva va ŭmovach niamohłaści Pradstajaciela BPC Mitrapalita Fiłareta.

Jak paviedamlaje partał «Carkva», aproč udziełu ŭ liturhii viadoma, što Patryjarch naviedaje prychod Usich Śviatych i aśviecić tam pomnik svajmu papiaredniku Patryjarchu Alaksiju II. Nastajacielem hetaha prychodu źjaŭlajecca prot. Fiodar Poŭny, adzin z samych upłyvovych dziejačaŭ Biełaruskaj Pravasłaŭnaj Carkvy, blizki da prezidenta Łukašenki, na zahad jakoha dziela budaŭnictva abjektaŭ prychodu Usich Śviatych — Doma miłasernaści i adnajmiennaha chrama-pomnika vydatkoŭvalisia biudžetnyja srodki, chram, u jaki sam Łukašenka ekskluziŭna i naviedvajecca apošnim časam, dzie sustrakajecca ź Sinodam i jepiskapami BPC.

Čaho čakać ad hetaha vizitu? Pra heta možna chiba zdahadvacca. Ale padzieja abiacaje być cikavaj.

Natalla Vasilevič, belaruspartisan.org

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH