Miarkujučy pa ŭsim, vybar biełaruskich uładaŭ nievypadkovy.
U lipieni hetaha hoda tendaravy centr Minharvykankama abviaściŭ konkurs na zakupku pasłuhi pa raspracoŭcy brendu Minska. Ź dziasiatka kampanij, što padali zajaŭki, žury musiła vybrać adnu, jakaja i raspracuje brend biełaruskaj stalicy, a mienavita stvoryć łahatyp i firmienny styl horada. Na hetyja mety ź biudžetu vydzielena 300 miljonaŭ rubloŭ. U kancy žniŭnia było abvieščana, što brend Minska stvoryć brytanskaja kampanija INSTID, jakaja, jak paviedamlajecca, raniej realizavała anałahičny prajekt dla Łondana.
Nieŭzabavie paśla hetaha ŭ redakcyju «Biełaruskaha partyzana» pastupiła niekalki listoŭ ad roznych adrasataŭ, u jakich paviedamlałasia, što hetuju brytanskuju kampaniju nasamreč uznačalvajuć biełarusy, i nie prosta biełarusy, a biełaruskaja apazicyja.Tak, u adnym ź listoŭ, dasłanych na poštu redakcyi, havaryłasia, što departamientam daśledavańniaŭ kiruje niechta Nataša Hrand (raniej nasiła proźvišča Leščanka, vypusknica BDU i aŭtar šerahu artykułaŭ pa
Praź niekalki dzion redakcyja «Biełpartyzana» atrymała jašče adzin list z krytykaj pakul nie stvoranaha brendu Minska i kampanii INSTID. Usio heta dało padstavy dumać, što aŭtary hetych listoŭ — zajzdrośniki z kampanij, jakija prajhrali tendar na raspracoŭku brendu i vyrašyli skampramietavać anhielskuju firmu, vykarystoŭvajučy niezaležnyja resursy. Adnak niahledziačy na heta, redakcyja vyrašyła razabracca, što adbyłosia.
U paviedamleńni dziaržahienctva BiełTA, havorycca, što INSTID raniej raspracoŭvała brend Łondana. Adnak na sajcie kampanii pra heta niama ni słova. Niama tam i nijakich rabot, fatahrafij i videarolikaŭ, jakija dajuć ujaŭleńnie ab prapanavanych kampanijaj pasłuhach. Z karysnaj infarmacyi tam tolki pieralik 14 klijentaŭ kampanii (siarod ich MZS Biełarusi, pasolstva Biełarusi ŭ Vialikabrytanii, 6 klijentaŭ z Rasii i 2 z Amieryki), a taksama abjava pra pošuk ludziej ź Minska «na pazicyi menedžara prajekta, miedyjamenedžara i śpiecyjalista pa suviaziach sa sponsarami».
Varta taksama adznačyć, što ŭ svaim niadaŭnim intervju «Jeŭraradyjo» Natalla Hrand pryznała, što i kankretnych prapanovaŭ pa imidžy Minska ŭ kampanii pakul nie majuć.Pavodle jaje słovaŭ, pierš za ŭsio śpiecyjalisty z INSTID źbirajucca pravieści daśledavańnie siarod žycharoŭ biełaruskaj stalicy, jakija pavinnyja dapamahčy vyznačyć charakternyja rysy horada.
Niejkaha cisku z boku kampanij, što prajhrali konkurs, i procidziejańnia pracy ŭ Biełarusi, pavodle pryznańnia samoj Natalli Hrand, INSTID nie adčuvaje.
«Našu pracu i dziejnaść sustrakajuć u Minsku ź vialikaj cikavaściu. Ludzi, asabliva z tvorčych kołaŭ i studenty, prapanujuć svaju dapamohu i ŭdzieł. Jość cikavaść z boku biznesu» — skazała Hrand «Biełaruskamu partyzanu».
«Ułady narmalna supracoŭničajuć. Prajekt atrymlivaje šyrokaje aśviatleńnie ŭ miedyjach. Daśledavańnie idzie pa płanie, minčanie achvotna dzielacca svaimi dumkami, zadumvajucca nad pastaŭlenymi pytańniami», — paviedamiła jana.
Adnak dla niezaležnych ekśpiertaŭ vybar tendarnaha centra Minharvykankama vyhladaje dziŭna.
Tak, u dyrektara markietynhavaj i
«Paśla takich konkursaŭ usie brendynhavyja kampanii krainy musiać prosta samalikvidavacca, tamu što heta hańba,— ličyć Łopan. — Ja nie viedaju, pavodle jakich kryteraŭ ich vybrali, ale toje, što jany prapanujuć (niejkija sieminary, kanfierencyi i h.d.) — heta prosta raśpiłoŭvańnie biudžetu i skałanańnie pavietra. Varta tolki pastavić zadaču — raspracujcie nam, namalujcie — i dziasiatki biełaruskich dyzajnieraŭ prapanujuć hatovuju kancepcyju. Mienš treba kampleksavać, mienš pravodzić usialakich tam kanfierencyj, a treba prosta spravu rabić».
«U Biełarusi šmat ludziej, jakija mohuć zrabić heta na vielmi dobrym, hodnym uzroŭni», — pierakanany Łopan.
Jak vyśvietliŭ «Biełaruski partyzan», Natalla Hrand taksama źjaŭlajecca ahladalnikam presy na kanale BBCWorldTVChannel u prahramie WorldBusinessReport, dzie kamientuje padziei ŭ krainach SND. Maje stupień doktara sacyjałohii, atrymanuju ŭ Łondanskaj škole ekanomiki. Śpiecyjalizujecca Hrand na vyvučeńni palityčnych ideałohij, nacyjanalizmu i pracesaŭ nacyjanalnaha budaŭnictva, a taksama palityčnych i pradprymalnickich ryzyk u Rasii i krainach SND i źjaŭlajecca aŭtaram dvuch navukovych artykułaŭ ab postkamunistyčnym raźvićci Biełarusi, u cełym krytyčnych u dačynieńni da režymu Łukašenki.
Adnak apazicyjnaj kampaniju INSTID nazvać vielmi składana.Svaju viadomaść INSTID (raniej pazicyjanavaŭsia jak Instytut dziaržaŭnych ideałohij) atrymaŭ u 2009–2010 hadach, paśla taho jak Biełaruś razarvała adnosiny z brytanskim pijarščykam, łordam Cimaci Bełam. Aficyjny Minsk byŭ niezadavoleny tym, jak Bell Pottinger Group praviała kampaniju pa palapšeńni imidžu Biełarusi i Alaksandra Łukašenki ŭ krainach Jeŭrasajuza. Vyzvalenuju nišu sprabavali zaniać mnohija, u tym liku INSTID, prapanavaŭšy krychu inšuju kancepcyju. Ale da kantraktu sprava nie dajšła.
Charakternaja taksama reakcyja kampanii INSTID na ŭviadzieńnie ES sankcyjaŭ suprać biełaruskaha režymu paśla falsifikacyj vybaraŭ 2010 hoda i masavych represij suprać apazicyi. U svaim błohu Natalla
Na pytańnie, čym vyklikanyja takija ašałamlalnyja źmieny palityčnych pohladaŭ, Natalla Hrand zajaviła nastupnaje:
— 12 hadoŭ ja zajmajusia vyvučeńniem biełaruskaj nacyjanalnaj identyčnaści i ideałohij, abaraniła pa hetaj temie dysiertacyju ŭ Łondanie, maju navukovyja publikacyi ŭ anhłamoŭnych časopisach. Maja pazicyja była i zastajecca ŭ tym, što dla raźvićcia Biełarusi važnaje i karysnaje ŭzajemadziejańnie z navakolnym śvietam, i takomu ŭzajemadziejańniu treba spryjać. Mienavita z hetaj pazicyi ja vystupała i vystupaju na samych roznych placoŭkach i źviartajusia da ŭsich aŭdytoryjaŭ — ad apazicyi da ŭładaŭ i zvyčajnych hramadzian. Ja razmaŭlaju z usimi, chto maje mahčymaść upłyvać na situacyju, nie prymykajučy da adnaho łahiera. Ja dziejničaju paśladoŭna i svaju pazicyju trymaju vyrazna. Što da hetaha prajekta, to jon nie za ŭłady i nie suprać uładaŭ. Jon za Minsk.
Uličvajučy takuju pazicyju kiraŭnictva kampanii, vybar biełaruskich uładaŭ užo nie zdajecca takim dziŭnym.
