Syn Hajdukieviča ź milicejskaha načalnika staŭ namieśnikam taty ŭ partyi 24

Namieśnikam staršyni Libieralna-demakratyčnaj partyi (ŁDP) 5 vieraśnia na pasiadžeńni vyšejšaha savieta arhanizacyi abrany były načalnik Frunzienskaha RUUS Aleh Hajdukievič, syn lidara partyi Siarhieja Hajdukieviča.

«Heta śviadomy krok, — zajaviŭ Aleh Hajdukievič, jaki ŭznačalvaŭ RUUS z 2009 hoda. — Ja pryniaŭ takoje rašeńnie asabista sam, nichto mianie nie vyhaniaŭ. Ja daŭno ŭžo chacieŭ zaniacca palitykaj.

Pryjšoŭ čas, mianie ludzi vybrali, ja rady, što mnie davieryli takuju ​​pasadu. Budu pracavać na karyść samaj bujnoj partyi krainy».

Siarhiej Hajdukievič paviedamiŭ, što nie moža prymać niejkija rašeńni za syna. «Jon pryniaŭ dla siabie rašeńnie. Dla mianie jon šarahovy člen partyi, pa-inšamu i być nie moža», — skazaŭ palityk.

«Aleh byŭ samym adkrytym milicyjantam u MUS. Jon ža — milicyjant čysty, jon zajmaŭsia milicejskimi spravami, na samaj spravie łaviŭ złačyncaŭ», — dadaŭ Siarhiej Hajdukievič.

5 vieraśnia ŭ ŁDP taksama byli pryniatyja i pryznačany na pasadu: pamočnikam staršyni ŁDP — Alaksandr Radkievič, jaki raniej zajmaŭ pasadu pieršaha namieśnika hienieralnaha dyrektara DA «Biełresursy»;

načalnikam hałoŭnaha ekanamičnaha ŭpraŭleńnia ŁDP — Alaksandr Darmiel, były načalnik ABEZ Pieršamajskaha rajona Minska;

načalnikam hałoŭnaha ŭpraŭleńnia kadravaj palityki — Michaił Šeleh; načalnikam hałoŭnaha ŭpraŭleńnia pa ahulnych pytańniach — Aleh Česałaŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH