Z 1 vieraśnia ŭvodziacca novyja praviły dla inšaziemcaŭ u aeraporcie 3

Z 1 vieraśnia mahčymaść atrymać ujaznuju vizu ŭ nacyjanalnym aeraporcie Minsk zachavajecca tolki dla hramadzian zamiežnych dziaržaŭ, dzie adsutničajuć dypłamatyčnyja pradstaŭnictvy abo konsulskija ŭstanovy Biełarusi.

Jak paviedamlaje pres-słužba MZS, heta praduhledžana źmienami ŭ vizavych praviłach Respubliki Biełaruś, jakija byli ŭniesieny pastanovaj Savieta ministraŭ ad 31 maja 2012 hoda.

Adznačajecca, što hramadzianie dziaržaŭ, u jakich jość biełaruskija zamiežnyja ŭstanovy, majuć prava atrymać vizu ŭ aeraporcie, tolki kali jany prybyvajuć u składzie aficyjnych delehacyj pavodle zaprašeńnia orhanaŭ dziaržaŭnaha kiravańnia Biełarusi, a taksama ŭ suviazi ź ciažkim zachvorvańniem abo śmierciu blizkaha svajaka.

«Novaja redakcyja vizavych praviłaŭ praduhledžvaje spraščeńnie vydačy biełaruskich viz, vyzvaleńnie ad nieabchodnaści atrymańnia viz zamiežnymi hramadzianami i asobami biez hramadzianstva, jakija majuć prava na žycharstva ŭ Biełarusi. Pašyrana koła asob, jakija majuć prava na naviedvańnie miescaŭ pachavańniaŭ, vyznačany padstavy dla atrymańnia biełaruskaj vizy dla lačeńnia. Unifikavany asobnyja formy chadajnictvaŭ ab vydačy viz i vizavych ankiet», — paviedamlaje pres-słužba.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH