Chłopca kinuła dziaŭčyna, a jon skraŭ paroli ŭ jaje i jaje novaha kavalera 6

Niestandartnym sposabam vyrašyŭ adpomścić byłoj kachanaj žychar adnaho z rajcentraŭ Viciebskaj vobłaści. Jon pakinuŭ dziaŭčynu i jaje novaha maładoha čałavieka biez dostupu da internetu.

Jak raskazvaje hazieta «Vićbičy» sa spasyłkaj na namieśnika načalnika adździeła abłasnoj prakuratury za daznańniem Michaiła Saščanku, chłopiec, znajšoŭšy nahodu, zajšoŭ da byłoj siabroŭki i, kali dziaŭčyna vyjšła z pakoja, z dapamohaj śpiecyjalnaj prahramy skraŭ ź jaje noŭtbuka ŭsie paroli, jakija kali-niebudź na im uvodzilisia. Potym razam ź siabram jon pajechaŭ u Smalensk i tam u kamputarnym kłubie zalez na chatnija staronki byfly i dziaŭčyny, i jaje maładoha čałavieka. «Mściŭca» źmianiŭ paroli, zabłakavaŭšy takim čynam karystalnikam dostup da staronak i pazbaviŭšy ich mahčymaści karystacca internetam. Akramia taho, chłopiec pakinuŭ na staroncy karystalnika niecenzurny nadpis.

Jak paviedamlaje vydańnie, «mściŭca» i jaho pryjaciela vyličyli, u dačynieńni da ich raspačataja kryminalnaja sprava. Pravaachoŭnyja orhany praviarajuć dačynieńnie chłopcaŭ da inšych padobnych złačynstvaŭ.

0

0

0

0

0

0

vitbichi.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH