U Krasnadarskim krai ŭ vyniku ataki bieśpiłotnikaŭ zahareŭsia NPZ 1

U Krasnadarskim krai z-za ranišniaj ataki bieśpiłotnikaŭ na Słavianski naftapierapracoŭčy zavod uźnik pažar, piša Radyjo Svaboda.

Pavodle źviestak MNS, na zavodzie paškodžana sieparatyŭnaja ŭstanoŭka — płošča pažaru skłała piać kvadratnych mietraŭ. Ahoń nieŭzabavie patušyli.

Usiaho było ździejśniena dzieviać atak na reziervuarny park i sieparatyŭnuju ŭstanoŭku, napisaŭ kiraŭnik Słavianskaha rajona Raman Siniahoŭski. Paciarpiełych niama.

Hubiernatar Krasnadarskaha kraju Vienijamin Kandraćjeŭ paviedamiŭ, što ranicaj u rehijonie było źbita bolš za dziesiać dronaŭ, jakija «sprabavali atakavać» NPZ i abjekty infrastruktury ŭ niekalkich rajonach kraju.

Pa danych Minabarony Rasii, nočču nad Krasnadarskim krajem źbili 66 ukrainskich bieśpiłotnikaŭ.

Raniej bieśpiłotniki atakavali Słavianski naftazavod u sakaviku 2024 hoda. Tady byli paškodžany vakuumnyja i atmaśfiernyja błoki.

Čytajcie taksama:

Łukašenka adreahavaŭ na paradu Radzinaj nanosić udary pa NPZ u Biełarusi

Škvał atak ukrainskich bieśpiłotnikaŭ na rasijskija NPZ ryzykuje parušyć pracu suśvietnych rynkaŭ naftapraduktaŭ

Ministr abarony ZŠA raskrytykavaŭ udary Ukrainy pa rasijskich NPZ

14

0

3

1

1

0

Nashaniva.com