Preparat, vytvorčaściu jakoha zajmajecca kalifarnijskaja kampanija Gilead Sciences i jaki nazyvajecca Truvada, mohuć prymać tyja, chto padviarhajecca vysokaj ryzycy zaražeńnia i moža ŭstupić u połavuju suviaź z VIČ-infikavanymi partniorami. Jon užo rekamiendavany da pryjomu razam z najaŭnymi antyretravirusnymi preparatami dla ludziej, jakija žyvuć ź VIČ. Tabletki treba prymać adzin raz na dzień.
Vyniki daśledavańniaŭ śviedčać, što preparat źnižaje ryzyku zaražeńnia VIČ da 73%.
Niekatoryja rabotniki śfiery achovy zdaroŭja i hrupy pa baraćbie z VIČ-infiekcyjaj vystupili suprać uchvaleńnia Truvada. Na ich dumku, źjaŭleńnie takoha preparata moža spryjać uźniknieńniu padmannaha pačućcia biaśpieki. Akramia taho, jość aściarohi, što źjaŭleńnie Truvada budzie spryjać raźvićciu ŭstojlivaha da lekaŭ štamu VIČ.
