Biełstat vydaŭ štohadovy statystyčny daviednik, datyčny raźvićciu ŭ krainie kultury, sporta i turyzma. Dadzienyja pradstaŭlenyja na kaniec 2011 hoda. «Naša Niva» źviarnuła uvahu na stan kultury ŭ krainie i paraŭnała ličby z tymi, jakija byli try hady tamu, u 2008 hodzie.
Zamiest knih — časopisy
Letaś u Biełarusi było vydadziena 11 084 knihi. Heta na 16% mienš, čym try hady tamu. Ahulny nakład knih i brašur tym časam skłaŭ 34,3 miljona asobnikaŭ. Heta na 20% mienš, čym u 2010, i ažno na 38% mienš, čym try hady tamu.
Jašče 6,2% knih vydajecca na zamiežnych movach, pieradusimPa-biełarusku drukujecca ŭsiaho tolki 8,5% knih — i pa nakładzie, i pa ahulnaj kolkaści knih.
A voś časopisaŭ i inšych pieryjadyčnych vydańniaŭ stała vychodzić bolš — 60 miljonaŭ asobnikaŭ za hod! Za try hady ahulny nakład vyras na 46%.
Kudy chodziać biełarusy?
Hod za hodam paŭzuć uniz pakazčyki kolkaści biblijatek (ich zastałosia 3738, za apošnija try hady zakryłasia kožnaja vośmaja biblijateka) i kłubaŭ (zastałosia 3578, zakryŭsia kožny dvanaccaty). Ale najbolš realii času ŭdaryli pa ŭstanoŭkach dla pakazaŭ kino. Ich zastałosia 744, za try hady pierastała pracavać kožnaja druhaja.
Niahledziačy na heta, biełarusy hladziać filmy ŭsio čaściej. Letaś sabrałasia bolš za 10 miljonaŭ hledačoŭ.Za try hady ich stała bolš na 11%.
Cikavaść vyklikaje i śpis samych papularnych filmaŭ. Na pieršym miescy «Piraty karybskaha mora», jakija sabrali 421 tysiačy hledačoŭ, za imi novy film pra Hary Potera (304 tysiačy) i
Najlepšym siarod biełaruskich filmaŭ staŭ «Ryžyk u Zalustroŭi», jakoha pahladzieli 80 tysiač biełarusaŭ.
A voś chvala papularnaści zaaparkaŭ i teatraŭ źmienšyłasia. Pahladzieć na žyviołaŭ sabrałasia tolki 655 tysiač čałaviek (na tracinu mienš). A voś teatralnyja pastanoŭki naviedali 1,85 miljona čałaviek. Za try hady zhubiłasia 3% hledačoŭ.
Zarobki ŭ kultury i sporcie
I naprykancy finansavyja pytańni. Ijerarchija rabotnikaŭ śfiery kultury ŭ zaležnaści ad vieličyni siaredniaha miesiačnaha zarobku za 2011 hod vyhladaje nastupnym čynam.
U śfiery radyjoviaščańnia i telebačańnia zarablali 2,51 miljona rubloŭ, u časopisach — 2,27 miljona rubloŭ, u infarmacyjnych ahienctvach — 2,2 miljona.
A voś siarod autsajdaraŭ — vydaŭcy hukazapisaŭ (990 tysiač rubloŭ) i vytvorcy muzyčnych instrumientaŭ (1 020 tysiač rubloŭ).
