Žančyny nie chočuć naradžać treciaje dzicia
«Hramadstva naviazvaje mierkavańnie, što najaŭnaść troch i bolš dziaciej nie daść mahčymaści žančynie realizavacca ŭ asabistym i prafiesijnym žyćci. Pryčynaj pieraryvańnia ciažarnaści ŭ bolšaści vypadkaŭ stanoviacca nie ciažkija žyćciovyja situacyi, a žorstkija repraduktyŭnyja ŭstanoŭki», — skazała Vieranika Siardziuk.
Pavodle jaje słoŭ, siaredniestatystyčny partret biełaruski, jakaja advažvajecca na abort, zusim nie asacyjalny.Jak praviła, heta maładaja zamužniaja žančyna ad 27 da 35 hadoŭ, u jakoj užo jość adno abo dva dziciaci. «Rašeńnie pierapynić ciažarnaść redka źviazana z materyjalnymi ciažkaściami. Pakolki ŭ Biełarusi naradžeńnie treciaha dziciaci dapamahaje ŭ vyrašeńni kvaternaha i mnohich hrašovych pytańniaŭ», — adznačyła Vieranika Siardziuk.
Taksama jana adznačyła, što ŭ Biełarusi aktyŭna ŭkaraniajecca priedabortnaje kansultavańnie: «U našym centry padtrymki siamji i maciarynstva ŭžo hod prachodziać takija kansultacyi. Na praciahu paŭhoda my sumiesna ź Ministerstvam achovy zdaroŭja pravodzili takija mierapryjemstvy ŭ šaści minskich žanočych kansultacyjach. U ramkach hetaha piłotnaha prajekta atrymali kansultacyju bolš za 400 žančyn, kala 4 pracentaŭ zachavali ciažarnaść».
Centr padtrymki siamji i maciarynstva «Matula» pry prychodzie chrama śviaciciela Mikałaja Japonskaha Minskaj jeparchii Biełaruskaj pravasłaŭnaj carkvy biaspłatna akazvaje psichałahičnuju, jurydyčnuju i sacyjalnuju dapamohu ciažarnym žančynam u kryzisnaj situacyi.
