U aŭtorak ranicaj eks-kandydat u prezidenty Biełarusi Aleś Michalevič trapiŭ u darožna-transpartnaje zdareńnie. Pavodle jaho słoŭ, pa darozie z Varšavy ŭ Vilniu za 75 kiłamietraŭ da litoŭskaj stalicy, pad koły jaho Skoda Fabia kinułasia kazula.
«Nastupstvy mahli być kudy bolš surjoznyja, kali b kazula była bujniejšaja, abo na jaje miescy byŭ by łoś, a tak pryjdziecca zamianić bampier, radyjatar, faru, a taksama vyraŭnavać kapot i kryło.Pryjemnaha taksama mała, ale hałoŭnaje, što sam nie paciarpieŭ -- navat akulary nie pabilisia», -- raspavioŭ padrabiaznaści DTZ Aleś Michalevič.
Jon kaža, što palicyju nie vyklikaŭ, a źbituju kazulu, u jakaści trafieja, vyrašyŭ nie brać.
***
Nahadajem, Aleś Michalevič zaraz žyvie ŭ Čechii, dzie atrymaŭ palityčny prytułak. Paśla vybaraŭ Aleś Michalevič byŭ aryštavany i źmieščany ŭ SIZA KDBi. Jamu było pradjaŭlena abvinavačvańnie pa «spravie 19 śniežnia». Sa śledčaha izalatara jon vyjšaŭ paśla taho, jak daŭ zhodu supracoŭničać ź biełaruskimi śpiecsłužbami. Paśla vychadu na svabodu publična adroksia ad «žadańnia supracoŭnictva». Akramia hetaha vystupiŭ z šeraham zajaŭ z nahody katavańniaŭ, jakija prymianialisia ŭ chodzie śledstva. Niahledziačy na toje, što jon byŭ vypuščany na volu pad padpisku ab niavyjeździe, u sakaviku 2011 h. zmoh praz Kijeŭ źbiehčy na Zachad.
