Kiraŭnik MVF Kryścin Łahard vyklikała abureńnie mižnarodnaj supolnaści paśla taho, jak u intervju haziecie The Guardian paviedamiła, što hreki pavinnyja spraŭna płacić padatki, u toj čas jak sama ich nie płacić.
Jaje zarobak u pamiery $467,94 tys. u hod plus $83,76 tys. dadatkovaj dapamohi ŭ hod nie abkładajecca nijakimi padatkami. Zarabotnaja płata Łahard i jaje pakiet sacyjalnych vypłat, takim čynam, składajuć bolš, čym zarobak prezidenta ZŠA Baraka Abamy, jaki, u svaju čarhu, płacić padatki.
Toje ž samaje datyčyć praktyčna ŭsich supracoŭnikaŭ AAN — u artykule 34 Vienskaj kanviencyi ab dypłamatyčnych adnosinach, padpisanaj 187 dziaržavami, havorycca: «Dypłamatyčny ahient vyzvalajecca ad usich padatkaŭ i zboraŭ, asabistych abo majomasnych, dziaržaŭnych, rehijanalnych abo municypalnych».
U adpaviednaści z kantraktam Łahard, jana taksama maje prava na pavyšeńnie zarabotnaj płaty z 1 lipienia kožnaha hoda padčas svajho znachodžańnia na pasadzie kiraŭnika MVF.
Mnohija hady krytyki skardzilisia, što supracoŭniki MVF, Suśvietny bank i AAN mohuć žyć za košt vialikaha liku padatkapłatnikaŭ.
