Novaja zalež nafty adkryta siońnia ŭ Hłuskim rajonie Mahiloŭskaj vobłaści, paviedamiŭ namieśnik hienieralnaha dyrektara RUP «Biełhieałohija», hałoŭny hieołah pa nafcie i hazu pradpryjemstva Jarasłaŭ Hrybik.
Novaja zalež znojdzienaja padčas pracaŭ na śvidravinie «Šumiacičskaja № 1» na hłybini 4300 m. Prytok vuhlevadarodaŭ papiarednie aceńvajecca bolš čym u 20 kub.m u sutki. «Atrymanaja nafta vyznačajecca dobraj jakaściu — jana lohkaja i ruchomaja z vysokim utrymańniem spadarožnaha hazu», — raspavioŭ Jarasłaŭ Hrybik. U bližejšy čas hieołahi płanujuć ŭdakładnić debit i detalova vyvučyć ŭłaścivaści atrymanaj nafty, daśledavańni praciahvajucca.
Raniej mierkavałasia, što na terytoryi zachodniaj častcy Prypiackaha prahinu mahčyma zalahańnie tolki ciažkaj i viazkaj nafty.
