Eks-premjera Ukrainy Juliju Cimašenku etapujuć da miesca adbyvańnia pakarańnia ŭ Charkaŭskaj vobłaści z usimi vyhodami, zajavili ŭ dziaržaŭnaj pienitencyjarnaj słužbie, abviarhajučy infarmacyju pra toje, što Cimašenku adpravili ŭ kałoniju na invalidnym vazku.
«Dla pieravozki Julii Cimašenki byŭ dadzieny kamfartabielny mikraaŭtobus z usimi vyhodami (bijatualet, rukamyjnica, dźvie kanapy). Pry hetym byli adpraŭlenyja ŭsie jaje rečy (12 valizak), dla čaho zadziejničali asobny aŭtamabil», - havorycca ŭ paviedamleńni.
«Što da paviedamleńnia ŭ internecie pra toje, što Juliju Cimašenka pieramiaščali ŭ invalidnym vazku, to hetaja infarmacyja nie adpaviadaje rečaisnaści», -- padkreślivaje pres-słužba.
* * *
Eks-premjer ministr Ukrainy Julija Cimašenka była asudžanaja da siami hadoŭ pazbaŭleńnia voli za pieravyšeńnie paŭnamoctvaŭ padčas padpisańnia hazavych kantraktaŭ z Rasijaj u 2009 h.
