Pres-kanfierencyja Alaksandra Łukašenki, pytańnie ad Valancina Ždanko, radyjo «Svaboda»: «Ci nie naśpieli palityčnyja reformy ŭ Biełarusi?» Jon pryvodzić prykład zadumanych palityčnych reformaŭ u Rasii.
Łukašenka adkazaŭ: kaho narod vybiare, toj i budzie. Ale skazaŭ, što budzie vykazvać svajo mierkavańnie i ŭpłyvać na narod. «I ja pabaču, kolki tam budzie ad apazicyi i ad piataj kałony».
«Vaš padtekst nieprymalny», — adrezaŭ jon. Źniavažliva adhuknuŭsia pra ideju kamieraŭ videanazirańnia na kožnym učastku.
Paśla hetaha jon doŭha chvaliŭ siabie, što jon nie cierpić liślivaści. Raskazvaŭ, što zaŭždy lubić vysłuchoŭvać roznyja punkty hledžańnia. Raskazvaŭ, jakija debaty adbyvajucca ŭ biełaruskim parłamiencie, ale jon prosić nie vynosić ich na publiku.
«Dyktatura — tolki ŭ rukach prezidenta», — skazaŭ jon. A na ŭzroŭni ŭrada ŭsio adbyvajecca demakratyčna, hałasavańniem, dakazvaŭ jon.I paprakaŭ žurnalistaŭ, što jany nie chočuć analizavać hetych tonkaściaŭ. «Vy mianie kleplecie navat tam, dzie ja taho nie zasłuhoŭvaje», — kryŭdavaŭ jon. Pryvioŭ prykład samasuda ŭ Puchavičach Žytkavickaha rajona, kali jahonaje rašeńnie adpuścić ludziej krytykujuć.
«Vy što, sapraŭdy ličycie, što ja falsifikavaŭ hetyja vybary? — papytaŭsia jon, hledziačy ŭ vočy žurnalistu. — Ja starajusia ŭsio rabić ščyra i pa spraviadlivaści».
Na 10-j chvilinie adkazu jon pryjšoŭ da pytańnia reformaŭ.
«Navat toje, što ja skazaŭ, što budu ŭmiešvacca, ja nie budu ŭmiešvacca», — piarečyŭ jon tamu, što kazaŭ 8 chvilin nazad.
Dakazvaŭ, što apazicyja nie projdzie ŭ parłamient, kali navat jaje pad abiedźvie ruki buduć vieści pad ruki. Raskazvaŭ, jak jon šukaŭ apazicyjanieraŭ u parłamient i nie moh znajści. Raskazvaŭ, što, maŭlaŭ, apazicyjaniery nie prychodzili na sustrečy z vybarcami i tamu za ich nie prahałasavali, navat kali ŭłada była hatovaja, kab ich abrali.
Pierajšoŭ na Bialackaha, beściŭ jaho.
«A reformy buduć», — skazaŭ narešcie jon na 16-j chvilinie. Što ŭsie zrazumieli, jak: reformaŭ nie budzie.
