U Vieniesuele byŭ vykradzieny biełaruski dypłamat 17

ŚMI Vieniesueły paviedamlajuć ab «ekspres-vykradańni»vice-konsuła biełaruskaha pasolstva ŭ Karakasie. Incydent adbyŭsia 16 śniežnia pryblizna ŭ 22.00 kala adnaho z supiermarkietaŭ u rajonie Santa-Eduvichis na poŭnačy horada, piša noticierodigital.com.

Hrupa ŭzbrojenych złačyncaŭ na dvuch aŭtamabilach zabłakavała mašynu dypłamata i vykrała jaho, zapatrabavaŭšy hrošy pad pahrozaj śmierci. Padčas palicejskaj apieracyi vice-konsuł byŭ znojdzieny za 12 km ad miesca vykradańnia, u rajonie El-Paraisa ŭ zachodniaj častcy Karakasa, u 2.30.

Nazyvajecca imia dypłamata, ale zrazumieć, pra kaho idzie razmova, niemahčyma: Aleksamdr Anekcahap Wkatynob Shakcahap.

Tut.by sa spasyłkaj na svaje krynicy paviedamlaje, što byŭ vykradzieny konsuł Alaksandr Škatułaŭ. Dypłamat byŭ vyzvaleny paśla atrymańnia złačyncami vykupu.

Atrymać aficyjnyja kamientaryi pakul nie ŭdałosia. U pasolstvie Biełarusi ŭ Karakasie, kudy patelefanavaŭ karespandent BiełaPAN, spracoŭvaje faks.

U śpisie supracoŭnikaŭ na sajcie dypmisii Škatułava niama. Jość dva inšyja Alaksandry: ataše pa pytańniach abarony, vajenny i vajenna-pavietrany ataše Alaksandr Alaksandraŭ i savietnik pa palityčnych i konsulskich pytańniach Alaksandr Varonin.

Niejkaja infarmacyja pra Alaksandra Škatułava jość na jaho staroncy ŭ sacyjalnaj sietcy «Fejsbuk»:

zakončyŭ Minski dziaržaŭny linhvistyčny ŭniviersitet i Dypłamatyčnuju akademiju MZS Rasii, vałodaje anhlijskaj, ispanskaj i polskaj movami, «zaraz znachodzicca ŭ Paŭdniovaj Amierycy».

ŚMI Vieniesueły zaznačajuć, što, niahledziačy na ŭzmacnieńnie mier biaśpieki za apošnija hady, napady na zamiežnych dypłamataŭ praciahvajucca.

U listapadzie 2009 hoda ŭ Vieniesuele zahinuŭ 35-hadovy pierakładčyk VA «Biełarusnafta», vypusknik MDŁU Alaksandr Siarcoŭ.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH